1
"Mo sa videira lavehite,i mo papa sa un thavaio.
2
Tut bhãx ke la su mo ki pa ka bai fui,li ka kupe;e tut bhãx ke ka bai fui,li ka netxe,pu bai pi boku fui.
3
Zot deha phop pu pahol ke mo kose deha.
4
Hete ãle mo,i mo ãle zot.Kumã bhãx pa puve bai fui pu li mem si pa lasu pie videira,akõsa zot pa puve,si zot pa hete lasu mo.
5
Mo sa videira,zot,sa bhãx-la.Sa ki lasu mo i mo lasu li,sa la ka bai boku fui,pase sã mo ãiẽ pa puve fet.
6
Si kek mun pa fiam lasu mo,ka jite deho kumã un bhãx,i ka sek;sa bhãx-iela ka hamase,ka jite la djife pu bule.
7
Si hete lasu mo,mo pahol-iela hete la zot,dumãde sa ki zot le,zot ke husuve.
8
Mo papa sa glorificado la su sa:ã ke bai boku fui;akõsa gãiẽ laphuev ki sa mo discípulo.
9
Kumã mo papa kõtã mo,akõsa mo kõtã zot.Hete la mo kõtãmã.
10
Si sehe mo mãdamẽt,kõtinẽ la mo kõtãmã;dji mem mãiẽ ke mo ka hete lãdã mãdamẽt dji mo papa i lãdã so kõtãmã ka hete.
11
Mo ka dji pu zot sa bagaj-iela pu mo kõtãmã hete lasu zot,e zot kõtãmã hete kõplet.
12
Sala a mo mãdamẽt:ki zot kõtã zot kõpãiẽ un a uot kumã mo kõtã zot .
13
Pies mun pa gãiẽ pi gho kõtãmã dji sa ki ka bai so lavi pu sa kamahad-iela.
14
Zot sa mo kamahad si zot fe sa ki mo ka dji.
15
Mo pa ka numẽ zot dji siavito,pase siavito -la pa save akisa so sẽie ka fe.Mo aple zot dji kamahad,pase mo kose tut sa ki mo tãde dji mo papa.
16
A pa zot ki xuezi mo;mẽ mo xuezi dji voie zot pu ale i bai boku fui,i ki zot fui hete fiam,dji khe ke papa ke bẽni tut ke dumãde lasu mo nõ.
17
Sa un zod:kõtã zot kõpãiẽ un a uot.
18
Se tã-la hai zot,save ki,ãvã zot,li hai mo.
19
Se zot ate dji tã-la,tã-la te ke kõtã dji zot kumã se zot a te dji tã-la;mẽ,zot pa sa dji tã-la,i mo xuezi txihe zot dji tã-la,pu sa hesõ tã-la hai zot.
20
Zot xãje dji pahol ki mo dji:'siavito pa pi gho pase so sẽie'.Si ie vini deie mo,ie kale deie zot osi;si ie obei mo pahol,ie ke obei zot pa-iela.
21
Ie ke fe tut bagaj pa lakos dji mo nõ,pase ie pa konet sa ki voie mo.
22
Si mo pa te vini i pa te pale zot,pa te gãiẽ pies pexe;mẽ ato pa gãiẽ padõ pu ie pexe-iela.
23
Sa ki hai mo,osi hai mo papa.
24
Si mo pa te fe thavai-iela la mitã ie ki pies uot pate ãko fe,pa te gãiẽ pexe.Mẽ ato ie ue i ie vinĩ hai mo e mo papa.
25
Sa fet pu pahol ki ekhi lãdã ie lua si kõphui:'hai mo sã hesõ'.
26
Kã ke vin consolador,ke mo ke voie dji pedas dji mo papa,lesphui dji lavehite,ki vin dji papa,sala ke bai tmuẽ dji mo.
27
I zot ke bai temuẽ osi,pase zot te ke mo dji pi kumasmã.