¹ Sis ju ãvã Pak, Jezi vini la Bêtania, kote Lázaro, kote li hesusite li dji lamo. ² Ẽbe, laba ie fe mãje, Mahta teka siavi-ie, i lazaro te asi obo tab ke Jezi. ³ Ẽbe, Mahi phã un butei losiõ ki telmã sãtxibõ, li pase la pie dji Jezi, li sue pie dji Jezi ke so xive; kaz-la hete sãtxibõ ke sa losiõ-la. ⁴ Judas Iscariotes, un dji so djisip-iela, sa ki te ke (trair), dji: ⁵ ''Pukisa sa losiõ-la u pa vãdel thoasã (denário) , i a phue bai pusa ki malohe-iela''?. ⁶ Li dji sa, no ke li pa te thakase kesa ki malohe, mẽ pase li tesa un vole; ali ki teka intxupe dji lajã-la, ili teka volo laja ki ie te ka bai. ⁷ Jezi dji: ''Lesel, li sehe sa pu ju dji mo lamo.''. ⁸ Sa malohe-iela zot ke ue ie tutã, mẽ mo mem nõ. ⁹ I un ghã kãtxite dji judeus vin save ki jezi te laba, i a pahẽ palakos dji Jezi, mẽ osi pu ue Lázaro, sa ki Jezi hesusite dji lamo. ¹⁰ Lide sacerdotes ie tele txue osi Lázaro; ¹¹ A palakos dji li boku judeus hale ie ko, ie khe lasu Jezi. ¹² Solã djimẽ, un ghã ban mun vini pu fet-la. Kã ie tãde ki jezi te ka vin pu Jerusalém, ¹³ Ie pote bhãx dji (palmeiras), ie sotxi pu kõthel, i ka hele: ''Hozana! Bẽdjito sa ki ka vin la su nõ dji Sẽie, Hue dji Ishael''. ¹⁴ Jezi kõthe un txi (jumento), li mõte lasul, Kumã li te ekhi: ¹⁵ '' Pa pe, pitxit dji sião; U hue ka vin li asi lasu un txi Jumentinho''. ¹⁶ Djisip-iela pa kõphan sa bagaj-iela dã kumasmã, mẽ, kã jezi ale glorificado, ẽbe ie xõje kisa bagaj-iela te ekhi zafe li, i kõsa ie fel. ¹⁷ Ẽbe, sa ban mun ki te ãsam ke jezi kã li aple Lázaro pu deho dji sẽmitxie li hesusitel dji lamo, li bai tẽmuẽ pu uot-iela . ¹⁸ Apalakos dji sa bagaj-la ki mun-iela sotxi pu ale kõnet li, pase ie tãde ki Jezi te fe sa ghã mihak. ¹⁹ Ẽbe, fariseus dji pu ie mem: ''Gade, no pa puve fe ãiẽ ie tut ale deiel.''. ²⁰ La mitã sa ki ale pu fet, pu adohel te gãiẽ osi un de thoa gregos. ²¹ I ie te ale kote filip, Ki tesa dji Betsaida dji Galileia, ie dumãde i dji: ''Sẽie no le ue Jezi''. ²² Filip ale li koze ke André; André ale ke Filip, i ie hakõte pu Jezi. ²³ Jezi hepon li dji, ''Hive lo putxit dji Bõdje ser glorificado. ²⁴ La lavehite, la lavehite, mo ka dji zot, si un ghen fahin fãs ki ka tõbe ate pa muhi, li ka kõtxinẽ lin so, mẽ, si li muhi, li ke bai boku pitxit. ²⁵ Ki mun ki kõtã dji so phop lavi ke pedil; mẽ si mo piad li dã sa tãla mo ke gãiẽ lavi etehnel. ²⁶ Ki mun ki le siavimo, maxe ke mo, i kote mo fika, laba mo siavito ke fika osi. Si un mun ka siavi mo, Mo papa ke hõha li. ²⁷ Ato, mo nam angustiada. I a kisa mo ke dji? 'Papa, sove mo di sa lo?' Mẽ apusa lo-la ki mo vini. ²⁸ Papa, glohifike u nõ''. Ẽbe, un vue sotxi dji lahosiel, i dji: ''Mo deha glohifikeu mẽ moke huk glohifikeu ãko''. ²⁹ Kã ban mun-iela, ki laba te fika, tãde sa, ie dji ki a te un lohaj, I uot dji: ''A un zãj ki koze''. ³⁰ Jezi hepon i dji: ''Sa vue-la pa vini pa mo lakoz , mẽ pa zot lakos. ³¹ Ato a julgamento dji sa tãla, i príncipe dji sa tãla ie ke kuhil. ³² I kã mo ke leve dji late, mo ke pote zot pu phox dji mo''. ³³ Li dji sa palakos dji zes dji lamo ke li teke ,muhi. ³⁴ Ban mun-iela hepon: ''No tãde dji lua ki Jezi Khi ki ka kõtxinẽ pu etehnite. Kumã u ka dji: 'Pitxit dji om ke leve?'. I a ki mun a pitxit dji om?''. ³⁵ Jezi dji ''Un moso tu ju sa lime-la la mitã zot, Maxe ixtã zot gãiẽ lime, kia pu suku la pa phã zot dji susphan. ki mun ka maxe dã suku pasave pu kote li kale. ³⁶ ''Ixtã u gãiẽ lime, khe lasu lime, ki a pu zot tõnẽ pitxit dji lime''. Jezi dji sa bagaj-iela aphue li sotxi i ale. ³⁷ Mem ki Jezi te fe boku mihak dji vã ie, ie pavin khe la su li, ³⁸ pu kõphui pahol dji profeta Isaías, li dji: ''Sẽie, ki mun ke khe la u pahol ki no pase? I a pu ki mun li mõthe so povua''. ³⁹ Pu sa hezõla, ie pate puve khe, i Isaías dji osi: ⁴⁰ ''Li seg ie uei, li fe ie txo du; ki a pu ie uei pa ue, inẽ kõphan ke ie txo; mẽ ki a pu ie hepãtxi, i mo ka diehi ie''. ⁴¹ Isaías djisa pase li ue glória, i li koze la so hespek. ⁴² Pa lakos djisa, boku líderes ka khe la Jezi; mẽ pa lakos dji fariseus, li pa lese sa hive, si nõ ie te ke kuhie dji sinagoga. ⁴³ Ie te kõtã glória ki te ka vini dji mun-iela dji ki glória ki ka vin dji bõdje. ⁴⁴ Jezi hele i dji: ''Ki mun ka khe lasu mo, pa ka khe hẽ lasu mo, mẽ osi sa lasa ki voie mo, ⁴⁵ i sa ki ka ue mo, ka ue sa ki voie mo. ⁴⁶ Mo vini kumã lime lasu tãla, i tut sa ki ka khe lasu mo pa ka hete la suku. ⁴⁷ Si un mun ka kute mo pahol, mẽ pa ka seheie, mo pa ka bai li to, pase mo vin, nõ pu kõdãnẽ tãla, mẽ pu sovel. ⁴⁸ Ki mun ki pa ka a seitel i ki pa ka husuve so pahol, gãiẽ ki mun ke jugal: i pahol ki mo pase, li ke jugal la dẽiẽ ju. ⁴⁹ Mẽ mo pa pale pu mo mem mem; dji uot bo, papa ke voie mo, li bai zot pu mo a kisa pu mo dji e pale. ⁵⁰ Mo save ki u mãdamẽt a lavi etehnel; ẽbe, a kisa mo ka dji a sa ki mo papa voie mo dji''.