¹ Myé mɛna eɖó hihlɔn, miɖó adó ɔlɔ ɛmɛ na kena ŋndo egan yé, mini kakan énúkenan éjló myéo. ² Enu na ényɔn wɛ gbɛtɔ lokpo lokpoé anɔ kan na éwégɔ éŋkɔn sisɔn. ³ Kristo keke ɔ, éŋnkan nukenan enyɔn nɛo, ɖi kin kena éwlin ɖɔ́: «aya sanɛmɛ, ɛmɛzuntɔyetɔn éjɛxoji» ⁴ Dobe enu wiwlan ɔgbɔn-ɔgbɔntɔn yé. ényi wiwlan myan do nyɔnu, dozɔn sùùluɖidó, égan ɖolan mɛna ɛmɛ enu wiwlanyetɔn (les écritures). ⁵ Na Mawu vivɛ̀nù dòtɔ́, kɔdo ɔkɔnfanamɛtɔ nɛ nàmi sùsù zantan, na myan ɖɔ́ nà mye eɖé le Yesu Kristo mɛ, ⁶ Nà le mye ékpɔwɛ̀ ninɔ mɛ, kɔdo ɔnukpa lókpo ɔ, mya na sùsù etɔ́ kɔdo mye ɔxwétɔ Yesu-Kristo. ⁷ Na kinwɛ̀. Mia ɖɔŋ myéɖé dó ɔwuju. Ɖikin kenan Kristo keke dɔn mi do ékpɔwɛ nà gigo étɔ́ Mawutɔn wu. ⁸ Dobe ŋnɔlɔ na mibé Kristo keke wasi sùmɔntɔ tɔ̀tɔ̀ gbo tɔtɔn, do zɔn Mawu éxónugbo wu, jɔgbé fifyan na Mawu étɔ fifyan éxincɛ wɛ, na ye étɔ ye wɛ, ⁹ Na ɛmɛ na ŋnyi jufuye ado na gigo Mawu ŋnzizin kuku na ɛmɛ wuyɛ. Kesin wɛ éwlan: «mlɔ mà jixan ado na sùsù umɔ̀ le ɛmɛ ma nyi jufuyemɛ, kɔdo mlɔn mà ba jixan ado adokpa xwe nyikɔ. ¹⁰ Ekɔlɔ be: «Mikpɔ jijwɛ ɛmɛ na ŋnyi jufuyé, kɔdo Mawu éɖɛ̀kɛ̀ye» ¹¹ Ekɔvɔlɔ: «Mikafu ɔxwetɔ, mi ɛmɛ na ŋnyi jufuye; na étovye tɛtɛ nɛ ɖúxwenɔn». ¹² Ezayi lɔbe: ŋnsuvi lɔkpɔtɔn le ɔkunkamɛ jɛsé tɔn mɛ akpacɛ do manyi jufu yenu. Ɛmɛ manyi jufuye aɖeji doye wu». ¹³ Na Mawu ke na midejidewu, ejijwɛ kɔdo efifa nɛ jwuɔ mime na énuɖiɖi, na myan jwuɔ le jiɖiɖé de zɔn acɛ yɛsisɛ̀n mi mɛmɛ. ¹⁴ Xó nɔvye, mlɔncan ŋɖo ganjɛwu do miwu. Mlɔn can ŋnɖo kadeji be mijwuɔ kɔdo énu zantan, mijwuɔ kɔdo nunyɔɛn, na myan kpénu wu kɔdo hihlɔn do lan mɛna mye éɖéyé. ¹⁵ Elekesin cò, ŋnlé xwema wlànuɖoxlan mì kɔdo jijwɛ exó hùnhùngbodé dosɔn énù ɖéyé kenà ŋnflin na mi, do sɔn énù ninà Mawutɔn (don) kenà ŋdówu. ¹⁶ Enu nina hintɔ wɛ yi ŋndawasi sumɔntɔ Kristo Jesu tɔn nà ɛmɛ nànyi jufuyé, màdo sáɔ̀vɔ̀, ɔ̀vɔ̀satɔ ɛxwinzantan Mawu tɔn ŋɖò awasi nà énù ninà (offrande) ɛmɛ mà nyi jufu yetɔn adonyi ɔlɔkɛnyi; kɔdo ɖédovo nà gbigbɔ wiwe. ¹⁷ Kesin ɔ, xó gigo le Kristo Jesu mɛ kpenà énú Mawu tɔn yé mɛ. ¹⁸ Ɖó mlɔn ŋnɖo énuti awa nà nà Kristo ŋnzɔnwo, hugan man dɔn ɛmɛ nanyi jufu nà ya sé ɔ́tɔ́nu nan Mawu. Enu xin ye wɛ Mawu xó kɔdo, énu wiwa adònyi cicɛ, ¹⁹ kɔdo acɛkpikpa exlɛyetɔn kɔdo énúa dódué, dozɔn acɛkpikpan gbigbɔ wiwetɔn ji. Mando kpeji ajla ɛwin-nyɔɛn Kristo tɔn kpikpé be kaka Jeruzalɛm, zɔn etó gbógbó ye mɛ, etó bɔdo etówu ye ɖikin illirie, kɔdo acɛkpikpa, exlɛ ɔlɔkpa ɔlɔkpa ye. ²⁰ Le flin mɛɔ, enuna éjromlɔn wɛ nyibe manjla ɛxwinyɔɛn le fina Kristo ŋ ekpéji jla éxó leowa, na mlɔn ŋle kaɖo ɛkpin do dohundonu ébùjio. ²¹ Ɖikin kenan ényi wiwlan do dɔbe ɛmɛ nà e unkpeji jlà éxó nà owa, yaba kpɔn, eyɛ wɛ, ɛmɛ nà ŋkpeji bosé éxó yeowa, ya mɔn nú jɛ́ xówù. ²² Enu xin ye sɔn éji-eji ɔ Mandoba mido églo ɖɔjijan ye wu. ²³ Vɔ syɛ̀ ɔ, énú ti ŋtɔ́ ŋgɔkpeji axin ŋdó téo le tinxwéxintɔyéo, ŋdo éjlo exwé súsú adó ba mi. ²⁴ Ŋdó jlo ma dókpɔmi, le xoyiyimɛ, gan mɛ nà ma jè ɛ̀sipany émɔ̀ eyɔ wɛ myanba ɖóun nan ŋnɔn midé ébo jɛmɛnan ɔn. ²⁵ Vɔ sibɛ̀ɔ ŋjɛ jɛruzalɛm émɔn mandosɔn sumɔn ɛmɛwewe (saint). ²⁶ Dobe enyi jijwɛ égbóoɖé nà màsédoani tɔye kɔdo akayitɔyé yado dóɔlɔwù wamɛnɔnyé, nà élé ɛmɛwiwé écécinmɛ̀ le Jeruzalɛmù. ²⁷ ɛ̀in, ye jijwɛ goɖé wɛnyi yeboɖó awasi le xójɔxómɛɔ, nà ɛmɛ-manyi jufuye dùalé énú gbigbɔ mɛtɔyé yakpɔn jijwɛ̀ ado nan énu nɛnyi agbazatɔn wu ɛmɛ wiwéyé. ²⁸ Leflin mɛ̀ɔn gan mɛnan ŋkpa ézan hin yé, eyɔwɛ ŋcan enuninan ye, bobɛ yé inan ɛmɛwiweye, manzɔn miɖé, gboxwé man sɔn ɛsipanyi. ²⁹ Mlɔn ŋnyɔɛnbe gan mɛ nan manlɛkɔ ba miɖé, a nyi ekɔlɛ kɔdo jijwɔ fla dona Kristo tɔn. ³⁰ Syɛɔ, mlɔn ŋle gandido byɔ nunwu mi, nɔnviye, dozɔn myé ɔxwétɔ Yesu Kristo élilwɔn dozɔn gbigbɔ (esprit) Mawutɔn mɛ mibɔ doxowu, nà myan fun ɛdɛxixo axwando ékpɔwɛ na Mawu. ³¹ Mixò ɛdɛ̀na un nà xókantrùtrù le ɛsɛ̀ngbatɔ Judotɔ yesi, na xó sumɔnzan le Jeruzalɛ énuɖitɔyé akɛɔlɔyi. ³² Mìxò dɛ nan, nà màbà mide kɔdo jijwɛ le Mawu ejlo mɛ, le gan mɛnà un bà mankpɔ vivó. ³³ Nà Mawu éfifa nɛ nɔ kpɔwɛ kɔdomi. Ami !