¹ Hwi amɛxe do ahwɛ dó amɛ dé́ lɛ́ dé kúkú didé ká démɛ ná we anɛ a bó nyi nùdekpekpe lɔ, dó gaxemɛ a do ahwɛ dó amɛ de lɛ́ de bo kanɔ do nù nɛ́ há pɛpɛpɛ blo gá lo de, hun hwì lɔ́sú nɛ do ahwɛ dó́ adéké we nɛ́. ² Mi nyɔɛ dɔ Mawu nɔ dɔ ahwɛ xɛ amɛ xe nɔ blo nù mɔtɔ́n lɛ́ de alé xe e sɔgbè xɛ nùgbó lɔ́ gbɔnɛ de. ³ Ŋya ce, hwi amɛ xe nɔ do ahwɛ dó ye amɛ xe nɔ do nù nɛ́lɛ́ bló lɛ́ dé bo ka do nù dokpo nɛ ke bló yé dɔwunkeba de a vɛdó we ná gán do ahwɛ dɔxɛ amɛ Mawu tɔ́n wɛ sin? ⁴ Aló a vɛdó we ná xwé nyɔ̀ dó xomɛnyinyɔ́ dáxó Mawu tɔ́n, sɔ́xwixwe untɔ́n kpó xomɛfifa untɔ́n daxó lɔ̀ kpó wɛ sin? Aló a ká nyɔɛ dɔ xomɛnyinyɔ́ Mawu tɔ́n do dɔ́n wé na ana lɛ́ kɔ́ sin ahwɛ towe lɛ́ gidó a e? ⁵ ? A ka tli tó, bo syɛ́n tá mɛ bɔ xe lɛ́ na dɔ̀n xomɛsin kɔn nyi ji we do xomɛsin zán xe nyi ahwɛdɔzán Mawu tɔn gbè de.E nyi mi na dɔ xléxlé, azán xe gbe Mawu ná dó adeke ɔ xlɛ́ ahwɛjijɔnɔ de. ⁶ E na sú axɔ́ amɛ dokpó do azɔ́n xe e wá dé nú. ⁷ E ná ná agbɛ̀ mavɔ mavɔ amɛ xe nɔ dó gan dó nù dagbwe wiwa wu bo nɔ sɔ dinfɛnu, yɛyi kpó nù má gblé magblé (jɔmaku)kpó nyi lɛ. ⁸ Vɔ loɔ, goyitɔ́ lɛ́, kpó amɛxe mɔ nɔ zin zɔnlin do xonùgbá mɛ a lɛ́, bo nɔ fɔn gu deji, bo nɔ do nù nylánylá kɛdɛ wá lɛ́ de kpo Mawu na sin xomɛ do ye. ⁹ Amɛ xe nɔ wa nù nylànylà lɛ́ dé bi wɛ na mɔ́ awuvɛ, bó ná sin xómɛ. Jwifu lɛ́ hwɛ̀ wɛ́ ná jɛ̀ unkɔn bɔ glɛki lɛ́ ná xódó. ¹⁰ Fifá, yɛyi kpó kpikpá kpó wɛ́ ná nyi amɛ xe wa dagbwe lɛ de tɔ́n, bɛsin Jwifu lɛ ji bosɔ yi glɛki lɛ ji. ¹¹ Ɗó Mawu kɔn nɔ de amɛ dé dó vo do amɛ mɛ a. ¹² Amɛ xe ma nyɔ́ sɛ́n nyi bo jɛ̀ agɔ̀ dé na vivá do sɛ́n ,a nyɔ ɛ mɛ, bɔ amɛ xe lɛ jɛ̀ agɔ̀ dó sɛ́n lɔ́ wú dé, e ná sɔ́ sɛ́n lɔ́ sɔ dɔ ahwɛ̀ nyi nà ye mɛ bi. ¹³ Ɗó amɛ xe lɛ dótó sɛ́n lɔ́ kpowun lɛ́ kɛ nyi ahwɛjijɔnɔ do. Mawu unkun mɛ a, vɔ loɔ amɛ xe nɔ bló nù xe sɛ́n lɛ́ zɔ́n de yewu wɛ ná nyi ahwɛjijɔ nɔ do Mawu sin unkɔn. ¹⁴ Ɗó, enyi amɛ xe ma dó sɛ́n lɛ́ a, ye nɔ anyi kpowun bo jà nù xe sɛn lɛ́ zɔ́n lɛ́ de wá ji lɔ, ye bo nɔ ma do sɛ́n lɛ́ cán lɔ̀ ye doxlɛ́ dɔ mi nyɔ nùxe è do nà wà de alò nùxe e ma dó ná wa a de nyi. ¹⁵ Alé xe ye nɔ wa nù gbɔn ɛ de dóxlɛ́ dɔ è wlan alé xe sɛ́n lɔ zɔ́n dɔ e nɛ́ wà nù gbɔnɛ de do ayimɛ ná mi. Ayixa yetɔn can nɔ de kunnú ná dɔ nùgbó wɛ, bɔ tá mɛ búbú yetɔ́n lɛ́ xe nɔ hwlɛn nù xɛ ye do ayimɛ gàdée mɛ, bó nɔ gbɛ́ nù ná ye gà dée lɛ́ mɛ dé can nɔ́ doxlɛ́do yé lɔ́sú lɛ́ kpó unkɔn. ¹⁶ Ŋù xe na wa jɛ̀ gbè egbè Mawu na gbɔn Jezu Klisu ji bo na dɔ ahwɛ̀ nù xe agbɛ́tɔ́ lɛ́ nɔ́ wa do nugblɔ lɛ de nɛ, ale xe awɛn dagbwe xe un do jlá de dɔ gbɔnɛ de . ¹⁷ Mia dɔ, hwi ɔ adɔ we nyi Jwifu, a gán jɛ̀ sɛ̀n lɛ́ wú bɔ anɔxɔ wi dótá do Mawu towe de. ¹⁸ A nyɔ nú xe Mawu nɔ jló de, bɔsɛ́n lɛ́ kplɔn we dɔ hwi nɛ sɔ́ nú dagbwe, bo jo nù nylànylà do. ¹⁹ A nɔ mɔ dɔ we sɔ mɔ amɛ xe nɔ dó ali xlɛ unkuntɔ́n nɔ́ lɛ́ de, bó nɔ mɔ dɔ we nyi kánlingbɛ́n (hinhɔ́n)ná amɛ xe do zɛn vlu mɛ lɛ́ dé, ²⁰ a mɔ dɔwe nɔ kpɔ́n nú xlónɔ lɛ kpo amɛ xe ma nyɔ́ núde nyi a lɛ́ de kpó, dó a deji dɔ wé nɔ mɔ nùnywɛ tite wungbè kpò nugbó kpó do sɛ́n lɔ mɛ. ²¹ Hwi amɛ xe nɔ kpɔ́n nù amɛ de lɛ́ dé, nɔ̀ wutu a ma ka nɔ kpɔ́n nù adeké wé a? a nɔ dɔ na amɛ lɛ́ dɔ nɔkpɔ́n ye a jɛ̀ ajo bo, nɔ́ wutú kɛ hwi lɔ́sú kɔ́n nɔ jɛ̀ ajo? ²² Hwi amɛ xe nɔ dɔ e ka dó ná lɛ agà a de, nɔ́ wútú kɛ a ka do aga lɛ? hwi amɛ xe gbɛ́ wan na votun lɛ bo dɔ dé, nɔ́ wútú kɛ a ka nɔ fin nù xe do xɔ́ yetɔ́n mɛ lɛ́ dé bɛ́? ²³ Hwi amɛ xe nɔ xɔ wi do tà dó a dó Mawu sɛn wútú dé, a nɔ gbà sɛ́n lɔ bo nɔ hɛn Mawu sin unkɔ xodi. ²⁴ Ɗó unkɔ Mawu tɔ́n ká sɔ́ vɛ́ afi ba do anyihɔnmɛ́nù lɛ de a dó hwì wútú di alé xe eko wlan gbɔn ɛ de. ²⁵ Enyi a nɔ nyi sɛ́n be adà xe agbo de ná de ale na we, vɔ̀ ná a ma ka nɔ nyi sɛ́n a be a ci adàmagbo tɔ́ dɔwun. ²⁶ Enyi amɛ xe ma gbo adà a de ka nɔ wa nù xe sɛ́n lɔ́ zɔ́n de lɔ́, Mawu ka na sɔ ɛ sɔ mɔ amɛ xe gbo adà de nyi a wɛ? ²⁷ Amɛ xe ma gbo ada, bó ka nɔ́ nyi sɛ́n lɛ de na dɔ ahwɛ xɛ hwi amɛ nyi Jwifu bo adà bó dó sɛ́n wé má, bó ma ka nɔ wa nù xe é wlan demɛ lɛ de a, ²⁸ Ɗo nù gbó mɛ ɔ, amɛ xe nyi Jwifu nùgbó núgbó tɔ́n de kɛ nyi amɛ xe nyi do unkun tá lɛ́ dé a,a ka nyi amɛ xe e gbo adá na kpowun do gbajaji de a. ²⁹ Vɔ̀ loɔ amɛ xe nyi Jwifu nùgbó táwun de wɛ nyi amɛ xe nyi Jwifu do ayi mɛ de, amɛ xe gbo adà do ayi mɛ de, adà nɛ lɔ́ gbigbɔ Mawu tɔ́n we nɔ gbo na amɛ.Ŋù xe e wlan do sɛnwéma mɛ de kɛ nɔ gboa, Jwifu nùgbó núgbó tɔ́n nɛ lɔ́́, agbɛ́tɔ́ kɛ nɔ kpa súsú nɛ a vɔ̀ lo ɔ Mawu wɛ nɔ kpa súsú nɛ.