¹ Mi ka kpewu na nɔ te hugan mɔ ba wutu wɛ mi gbɔ bo ɖɔ milɛkɛɖɛ na yi nɔ atɛni. ² Mi ɖo mi nɔvi timɔte xe kpo mi kpo ɖo awɛn ɖagbwe lɔ jla ɖe hlan mi nɛ e a fa akɔn na mi bo do awusyɛn mi ɖo nuɖiɖi mɛ. ³ Mi blo xwe aleha nyi na nɔkpɔn amɛ ɖe kpe kpe a hun hun ɖo ya xe e ɖo ji ɖe wutu bo . do mi lɔsu ko nywɛnyi ɖɔ numɔtɔn ɖo te kpɔn mi san ⁴ Gaxemɛ mi ɖo mi de ɖe mi ɖɔ mi ɖɔ na mi jɛnukɔn ɖɔ mi na kpefun ɖo finfɔn ɖo amɛji lɛ wutu. Ewa ɖo jɛ alexe mi ny wɛ nyi gbwɛn ɖe. ⁵ Nɛwutu gaxemɛ un ma kpewu na doji ba aɖe un zɔn amɛ ɖo hlan nɛ ma se xo sin nuɖiɖi mitɔn wu vlavo amɛblɛtɔ lɔ nako blɛ mi alɔkpɖe bɔ azɔn mitɔn nako nyi azɔn vɔnu. ⁶ Vɔɔ timɔte hɛn xoɖagbwe wa na mi ɖo nuɖiɖi mitɔn kpo wan yi yi mitɔn kpo wu sin mide. E ɖɔ na mi ɖɔ mi kpoɖo miflin ganji milɛ ɖo din na mɔ nukun mitɔn mɛ ɖi ale xe milɔsu lɛ ɖo jlo gbwɛn ga ɖe. ⁷ Nɛwutu lɔ anɔevi lɛ adan ɖo gbo mi bɔ miɖo awuvɛ se cobo ɖo akɔn kpinkpan gbɔn nuɖiɖi xe mi ɖo ɖeji. ⁸ Nɛnyi mi ɖo tenɔgli ɖo axwétɔ lɔ mɛ din loɔ be mi ɖo agbɛ. ⁹ Nakɛ mi na do akpɛ na Mawu gbwɛn ɖo jijwɛ xe mi do na mi gbɔn wɔjiɖe. ¹⁰ Zan kpo kle kpo mi ɖo byɔ ɛ syɛnsyɛn ɖɔ nɛ na mi lɔsu lɛ can mi a mɔ nukun mitɔn mɛ bo na gɔ nuɖiɖi mitɔn nu kpɛɛɖe ¹¹ Mawu mi tɔɔ lɔ su kpo axwétɔ mitɔn jezu kpo nɛ kplan mii kaka wa mi de. ¹² Axwétɔ nɛ blo na wan yi yi na hwɛn susu ɖo ɖo kpo kpo mitɔn lɛ mɛ kpanta amɛ bi kpaa ɖo anyihinhɔn lɔ mɛ ɖi alexe mi nɔ blo xwe na mi ɖe ɖɔ wun. ¹³ Nɛ blo xe bo do awusyɛn ayixamɛ na mi na mi a nyi amɛ mi mɛ amɛ ma ɖo ɖixo ɖo Mawu unkɔn gaxemɛ axwétɔ mitɔn jezu na wa kpo amɛ mi mɛ untɔn lɛ bisese kpo ɖe.