¹ Lé ŋkéké atɔ ki mégbé la, Anania fada wo ki fia kiki amé cici wo kiki ŋkɔ nɔtɔ ké tɔ bé Tertulle wo yi. Amékéwo cɔ nya ɖé Paolo ŋu lé fia wo gbɔ ² Ké Paolo natré ɖé fia ŋu la, Tertulle tɔ yiji lé cɔ nyaɖéŋu lé gblɔ ni éfia "wo vénuwo vovo kpɔkpɔ ɖélé miasi woŋkɔgbé nukpɔkpɔ cɔ nɔnɔ mé nyui tɔ va ni mia ki édu ³ Bubu gadé yi micɔ lé hɔwo lé énuké éwɔ kiki vévié Félix. ⁴ Né nyé ma téŋ ahéwo ɖé mégbé olà mélé bia co gbɔ wo bé na ɖɔtoŋ viɖé kiki haya haya. ⁵ Mifɔ ŋucu ké kényi nugbléla amé vɔɖi Yudatɔ wo lé hihéamé wolé hlon. Yé nyi cɔ mama ki fia na Nazarectɔ wo. ⁶ Étékpɔ bé yéa gblé gbédohɔ yi mi gblɛ nɛ. ⁷ Vɔa aʋafia gan Lystia va hɔ Paolo lé mia ki asimé kiki adà kplɔ yi. ⁸ ni obiɛ énya kéwo kéŋkéŋ dé wo ca anya nu ké ta milé bufɔɛ" ⁹ Yudatɔ wo lé bufɔɛ Paolo yi égblɔ bé énya kéwo la nyawoé ¹⁰ Ké édu mégan lɔ bé Paolo na ponu la Paolo ɖo éŋu bé: "mésé bé woè nyi cojo ɖotɔ lé du kémé lé pépé wo mé yi éji le joŋ ŋtɔ ényéŋ tɔ ma diémé nɔ wo ¹¹ Sigbé éwoŋtɔ anya néné là méwu ŋkéké wuivé ké nyé méyi Yérusalɛm nbé mayi subɔ. ¹² Kéwo kpɔŋ lé cɔci hɔ mé la nyé mélé ponu kiki améɖé o, nye mé gblɔ ni améɖé bé na do lé cɔci alo lé éduamé ¹³ yi wo mateŋ karéji o kiki éfɔ bu kéwo lé cɔɖé ŋunyé fifi o. ¹⁴ Vɔalà mékɔ éké lé ŋkuqo mé bé mésubɔ mia tagbé wo ki mawu. Lé mon dika mé kié wo lé yɔ fifi bé màmà, mélé nutéƒé wɔ lé séamé kiki ŋɔŋlɔ mé ki nyagblɔɖi la mé ¹⁵ Méɖo kakaɖé ji na Mawu bé amékéwo lé natré kpɔ amékukuwo ki fɔfon amé jɔjɔɛ kiki amé majɔ majɔɛ wo. ¹⁶ Yi ta yi mélé wɔ bé maɖo kakaɖéji bé wo gbɔ va kankunu ŋu o lé Mawu kiki améwo gbɔ lé nanɖé kpékpé mé o. ¹⁷ Lé épé wo ki mégbé là méjɔ kpékpé ɖéŋu vani dukɔa éga kiki énujɔjɔ. ¹⁸ Ké méwɔ néné là yudatɔwo ké co azi lé kpɔŋ le écu nusia wɔwɔ mé le kɔkɔɛ me cɔci ményi améwo domé alo lé hunya hunya mé o. ¹⁹ Améŋu wo la va gbɔ wo enya ké wocɔ ɖé ŋunyé la gbéɖé élé wosi ²⁰ Yi améŋu wo la gblɔ bé yéwo kpɔ énubada lé ŋunyé ké mé do ɖé cojo dotɔ wogbɔ. ²¹ Manyi énuɖika ké mégblɔ mé daƒa sésiéɖé ké mélé wo mé: "amékukuwo la fon yita yi milé ɖo cojo kikiŋ". ²² Félix wo tonɛ nyuie to égbé gbɔgblɔ mé ké yudatɔwo le sé égblɔ bé, gakémé Lysias aménga ava Yéruzalɛm la maɖo cojo éƒé énya nɔ." ²³ Yi étoni agbonu jɔla bé nákpɔ Paolo ji kiki pé vovo mé wo gbɔ hé mɔ ni yi ki améwo bé wogbava kpéɖé yiŋu o alo wo la ca va yigbɔ ²⁴ Lé ŋkéké ɖé wo méla Félix va kiki énɔa Drusille wo yɔnɛ bé Paolo wolé ɖotoé le hɔsé le Christo Yésu mé. ²⁵ Sigbé Paolo le gblɔ nya kiki lé nyawo toto mé lé améɖokuiji ɖuɖu mé kiki cojo ɖoɖo ké gbana Félix vɔ yi wo gblɔ bé tédéhi kɛŋ gbɔ ni mé mè vo là ma yɔ wo" ²⁶ Ziɖika élé natré zɔ Paolo bé anayi éga yi to yi élé yɔɛ éji éji bé yi la ponu kiki. ²⁷ Vɔa lé épé vé mégbé la Porcius, Festus trɔzu édu méga. Félix ki téƒé vɔa Félix dibé yi la hɔ yudatɔwo ki kukuɖéɖé yi yila dasi Paolo lé égahɔmé.