¹ Evavèmé be eké micɔn léwogbɔla mihùyi kos yi ŋùkela miyi Rodo cɔngan la miyi Patara. ² Ké mikpɔ́ exúde cɔ́n apùwà yina Fonikela midɔ́yi. ³ Eké milé kpɔ kipo lé miamèla migi Sirià yi midilè Tiro gànxù exùwà lédibe nadiàgbàlé. ⁴ Eké mikpɔ́ nusrɔ́lawo lá micigàn ŋùkéké adré yi wogblɔ̀ni Paul négbogblo mélé ŋùgbɔyi Yèrusalem. ⁵ Ke mixɔ̀n miáki ŋùkékéwo vɔla micɔ́ je miàki mɔ̀zɔzɔ woji wokiki wozrɔ̀wo wòviwo wòkplɔ́mi kàkawa midɔ̀ lé duàmé yi mijòkɔ̀li lè apùtò gidògblèda.6 ⁶ Ke midò̀ bayi bayi ni mianɔ́ nɔ́lá midoŋu yi wogbagbɔ yi woki afɔ̀mé. ⁷ Ke micɔ̀n lé Tiro yi Ptolemaila mixɔ̀n apuyi ki azɔnivɔ̀ midogbè ni miànɔviwo miciwogbɔ̀ ŋukéké deka. ⁸ Ke ŋukèlá miva kaisaréa yi mijé Mawu nya kàkàji lé Filipo ki afémé ènyi amèwà madrèwa dòmétɔ̀ déka ji mici yigbɔ̀. ⁹ Nyɔ̀nuvi wàmèmè kèwomé nya ŋùcuwo wólegblɔ enya kewo lavajɔ. ¹⁰ Ké mixɔ ŋùkékédewòlà amèdèlègan wolé yɔ̀be Agabo lègblɔ̀nadi cɔ̀n yudáva. ¹¹ Ké éva miagbɔ̀lá ecɔ̀n Paul ki aliblanu cɔ̀n bla yitɔ́n ki afɔ̀n kiki àlɔ̀wo yigbòbé gbɔ̀gbɔ̀ kɔ̀wé, lègbɔbé:<< Léké Yudatɔwo wabla ŋùcù ké tɔ̀ yényi aliblanu lé trɔ̀nsulawogbó. ¹² Ké misé nyàla miakiki amèkèwo lèdula midé kùkù na Paul bé yigbɔ̀yi Yèrusalem wo. ¹³ Yi Paul gbobé milé̀womi milé vavi lé gbà miaki ejiwo? nyèyà mèzɔgbè menyi blàblàdédré melédibé màkù lè Yerusalem ni Yesu, ki nyi kɔ̀me. ¹⁴ Eke wogblé bé Yéwomasé afètɔn kigbèla midasibé afetɔn nèxɔ̀ yiki nɔ̀nɔ̀nu. ¹⁵ Cɔn ŋùkékéwajila micɔ̀n miaki àgbàwo yiyiè Yérusalem. ¹⁶ Kaisarea nusrɔ̀la dewo wotimiyi yi wokplòmiyi nusrɔ̀la xòxò dé gbɔ̀ kewole yɔbé Mnason cɔ̀n kipro ki àfemé bé mici yigbɔ̀. ¹⁷ Eké̀ midɔ̀ Yerusalem là nɔ̀viwo xòmi kikijijɔn. ¹⁸ Ke ŋùkelà miàkiki Paul miyi Yakobo yi amèciciwo cà va gàn. ¹⁹ Eké édónɔ́wo vòla èdè ènyàgɔ̀ mènɔ̀wo bè ènùké Mawu xɔ̀n Yudatɔ̀ wodòmé cɔ̀ Mawu nyà kè yekàkàji. ²⁰ Kè wosènyala wokafu Mawu yi gbɔ̀bé̀:<< Nɔvi èkpɔ̀ Yudatɔ̀wo kòtòku nènè wocɔ̀n wòdòkoji bé gewo lalé èsèwo dè asi. ²¹ Wòdè bè Efiànu yudatɔwo kèwolè jimatrɔ̀ lawòdòmé bé wonetrɔn lé Moise kisèwòxu bé wòmègà cɔ avà na wòviwo, yè wògbɔ̀xɔ̀ xòxò mè ki kɔ̀nuwo. ²² Misèbe éva léké miaxɔmon. ²³ Mixɔ̀n nuké milégblonimi fifi midɔ̀ ŋùnù wòméné kèwo dò ajɔngbe. ²⁴ Cɔ̀ ŋùcùwo nàkɔ̀n dókóŋù kikiwo natufé nawo né wonélùtà yi amésiàmé nànyabé ènyáké wogblòbé còŋùla mélé étéfèwo yi wànyabè wocà èlézɔndé èséji. ²⁵ Nitrɔ̀ zùbɔ̀la kéwotrɔ̀njimela wàwòtà mèŋlɔ́ndùdàmi, bé wacri étrɔ̀ kinùdùdù, kiki élákéwo. ²⁶ Eké ŋùkelà Paul cɔ́n ŋùcùwo kpèdè idɔ̀kuiŋùn yi èkè wòleci vɔ̀là wòji Mawu ki èxɔ̀mè gi èlèdè ècilélé ki vɔ̀vɔ̀ nàwo kàkàwà nà amésiàmé ki ènù jɔ́njɔ̀ vɔ̀. ²⁷ Ŋùkèkè adrélia kivɔ̀vɔ̀ lèyi lá Yudatɔ́ dewo cɔ̀n Asià, kéwò kpɔ̀ Paulo lé Mawu ki éxómela wòna amèsiamé cɔ̀n yiwolé. ²⁸ Giwódàfà bé Israèl dùkɔ̀wo mikpédémixù mikpɔ̀n àmèkè léfianu lé afisiàfi nà améwolé womègàlé éséwòdéasiwo, gàcɔ̀hùla écòdé téfé kémélélàyi, yi ékplɔ̀n hèlatɔ̀wo va Mawu xɔlàmè gi wòpòdi téféwa. ²⁹ Elabé xòxòla wokpɔ̀wékiki Trofino Éfésòtɔ̀ là lèdùàmè yi àmèwò bùbé Paulo kplɔ̀gi Mawu xɔ̀ meyi. ³⁰ Ɗùmètɔ̀wo kèkèŋci cɔ̀n Fùdù yilé Paulo wokplɔyi exɔ̀ ki megbé yizidékà wòtu xɔ̀trùwo. ³¹ Kewòle dibé yèwolèxùlà wòcɔ̀n ènyawo yina zɔ̀jàgan àvàholàgan bè yèrusalem dùkɔwo kàtaǹ lé xùnyayù nyà mè. ³² Zèdèkà écɔ̀n zɔ̀jawo kiki èmònujɔ̀lawo cònwayi édùamé, eké dùkɔ̀wo wòkpɔ́n zɔ̀jagànlà wodà̀si Paulo pòpò. ³³ Tété zɔ̀jangànla gògò Paulo yi wolè yi èlangbé bé wònàblé amèkàlà enyiwo yi menan éléxɔ̀n. ³⁴ Amédéwolé exàmelà wòlegblɔ̀nyadewo yi amébùbùwo càn lègblɔ̀ nyàbùbù. Ekè zɔ̀jàgàn mènyàn ényake. agblɔ̀ lè ényàvɔ̀vɔ̀ wo mè édegbé bé wòne kplɔ̀nyi egàxɔ̀ mé. ³⁵ Kéwolé Azɔ̀nyila zɔ̀jawo cɔ̀wè drɔ̀ lè amèxàwo ki hùngàhù nyàtà. ³⁶ Yi amexà blibo wo lègblɔ̀bé lè àfàdàdà mébé < hù >> ³⁷ Égàké me wodiwà cɔ̀ Paulo dè ègàxɔ̀ enyàdèlawo. Zɔ̀jàgàn lèbiwèbè èlèsè hèlà gbè. ³⁸ Mènyiwo nyi Egipetɔ̀wa amékelà àfà di lè ŋùkèkè kèwò mébé wòkplɔ̀n àvàwɔ̀la kòtòkù wàmènè yi ègbèmèxa. ³⁹ Paulo gblɔ̀bé Yudatɔwo yènyi cɔ̀n Tarso le kilikiadùme nye menyi amèzulawo yità médékù nakùwo, nà mɔ̀ hi ni màpolu na dùkɔ̀wo. ⁴⁰ Eke wònamɔn Paulo là elàtrèdè kɔ̀kɔ̀ tèfèdeji yi èxɔ̀ asi nà amèxablibòwa yi wòzikpùi yi èpònunawo lè hèlagblémébé.