¹ Fifi la mélé ŋlɔ wo ma évélia ɖuɖɔ mi ta nyé lɔlɔtɔ wo a cɔ mia ki susuwo. ² Ni mia ɖoŋku nya hoho kéwo gblɔ ni mi jɔkɔŋ gbé to nya gblɔ ɖi kiki mia ki afetɔ ke le ɖé ame to dɔ ji kpɔ la ki égbé ɖéɖémé. ³ Migna kélé kélé bé amé kolawo la va le ŋkéké kpɔtɔè mé. Wo la lé ko wo nɔnɔa wo alé zɔ lé woa ŋtɔ ki jo jro mé. ⁴ Yi wo le gblɔ: << yi ki ŋgbé dodo ki tɔtrɔva de? miatɔ wo ku yi énu wo kpata ci co hihéame ki gɔ mé jéjé>> ⁵ Le wo ki jojro mé la wo ŋlɔbé bé jiŋgɔ kiki a nyigba do co écimé cɔyi cimé énu kélé hoho to mawu ki gnamé. ⁶ To énu siamé hihéamé ci tɔ mé yi égblé. ⁷ Mi kpɔ jiŋgɔ wo kiki anyigba yi wo dadro ni zo lé gbéɖéɖé mé wo jɔ wo dadɛ ni ŋkéké ké wo la ɖokojo yi wola jrɔ amé baɖa wo. ⁸ Lɔlɔtɔ wo, mi ma ŋlɔbé ŋkéké ɖika kiki apetɔ lé abé pé akpé dika, yi akpé le si ŋkéké ɖika. ⁹ Apetɔ me ci méŋgbé lé yi ki ŋgbé dodomé, sigbé améɖéwo le buie néné. Vɔa la enyi jigbɔ ɖitɔ le mia ŋu. Médi bé amé ɖé na crɔ o, vɔa élé di bé amé ɖékpékpé na trɔ jimé. ¹⁰ Yi yesu ki vava alé sigbé fiafitɔ éné. Jiŋgɔ wo a vayi kiki afa dada. Ezo ba bi yi ki alɔ zéa wo yi anyigba ki ɖɔ wɔ nawo la ɖéɖégo. ¹¹ Ke nusiawo kpata la wo la gblé amé kala ŋkumé mila nyio? mia nɔ agbé lé kɔkɔé kiki jɔjɔé nyényé. ¹² Mia natré zɔ kiki jigbɔɖi mawu ki ŋkéké ké lava la éyata jiŋgɔ wo la fia kiki zo éyi alɔ zé awo afia éyi azé. ¹³ Mi lé natré zɔ sigbé éɖoŋgbé, jiŋgɔ yiyéwo kiki anyigba gié jɔjɔ nyuie ɖufialé. ¹⁴ Eyata lɔlɔtɔ wo, kéŋ kafé a natré zɔ énukéwo la mi wɔ mia ki ŋutété ni éɖipopo, kiki ŋkumé kaka lé ŋti fafa me kiki. ¹⁵ Mi bui bé apetɔ ki jigbɔɖi la yé nyi mia ki ɖéɖé abé pɔlo lɔlɔtɔ ŋlé éné to nu nya ké wo né. ¹⁶ Pɔlo lé gna ké lé gblɔ le yi ki nu ŋɔ ŋlɔ mé, lé déwoméla, téfé séŋu ké ma teŋ asé égɔmé o amé ki nu manya manya wo kiki amé mali keso, kiki amékéwo trɔ na ŋɔŋlɔ wo ki nɔnɔmé na wɔŋtɔ ki gbégblé. ¹⁷ Eyitala nɔvi lɔlɔtɔ wo ké mi gna nu wo kpata la mikpɔ mia ɖokui ji nyuie bé amé blé lawo amé gblé lawo, kaka wo la bu woaki jɔjɔ nyényé. ¹⁸ Eyata mici lé aménuvévémé kiki mia petɔ kiki ɖela yesu kristo ki nyanya yitɔ nyi ŋti kɔkɔé fifia co yi mavɔ névémé.