¹ Christo Yésu yɔ Paolo bé nanyi apostolo to Mawu ki eŋblɛ kpɔkpɔmé kiki mi fofo Sostène ² Lé Mawu ki cɔci kélé Korinth amékéwo Christo Yésu ŋtɔ yra yi wola yɔ wobé amékɔkɔé. Milé ŋlɔ nu ni amékéwo ca kéle yɔ moa ki Aƒétɔ Yésu Christo ki nyikɔ lé efiɖé kpékpé wo ki Apétɔ kiki miatɔ. ³ Yi aménuvévé kiki ŋtifafa Mawu tɔ miatɔ kiki Aƒétɔ Yésu Christo na nanyi kiki mi. ⁴ Méda akpé i ŋƒé Mawu tɛgbɛ. Aménuvévé ké Christo Yésu na mi. ⁵ Wo yra mi lé nanɖé kpékpé mé lé nupopo mé lé nunya mé. ⁶ Éyra mi lé ɖaséɖiɖi ké Christo dasi ɖé ji to miaji bé nyawoé. ⁷ Néné ɖé gbɔgbɔ mé nu nana magbé mi o léké mi lé natré kpɔ ɖéɖéfia ké nyi Afétɔ Yésu Christo. ⁸ Élé kaɖéji cɔ yi nuwuwu yi woma ka ŋkumé ni mio gbéŋké la nyi cojo ɖoɖo. ⁹ Mawu nutéfé wɔ tɔ yi, yinyi améké yɔ mi lé kadodo lé évia Yésu Christo mia ki Aƒétɔ. ¹⁰ Mélé do ŋusé mi fofo nyéwo kiki dida nyéwo lé mia ki Aƒétɔ Yésu Christo mé léké milɔ léké mama mélé miamé o, médi bé ma cami dika lé gbɔgbɔ ɖika mé lé tamé ɖoɖo mé. ¹¹ Mésé lé amékéwo lè Chloé gbɔ bé ajré lé mia domé. ¹² Fifi médi bé ma mami léké "Amékéwo lé gblɔ bé mélé kiki Paolo alo kiki Apollos alo kiki Céphas, alo kiki Christo. ¹³ Christo ɖée éma? Paolo ɖé wokɛ ɖé miata? Wo do Mawu ci ta ni mi lé Paolo ki nyikɔ méa? ¹⁴ Méda kpé ni Mawu bé nyé mé do Mawu ci déta ni améɖé kpékpé mihɔ Crispa kiki Gaius. ¹⁵ Améɖe ŋgbɔgblɔ bé médo ci déta niyi lé nyikɔ nyé mé o. ¹⁶ Médo ci déta ni Stéphana ki afémé tɔwo cɔ yiji nyé ménya bé médo ci déta ni aménbubu wo. ¹⁷ Vɔa Christo médɔŋ ʋa bé mado ci déta o bé magblɔ nya nyuiɛ ményi amégbéto ki nunya mé o, bé Christo ki aticoga méga bu yiki ŋusé. ¹⁸ Nyagbɔgblɔ lé aticoga ŋudé ényi adaʋajéjé1 lé amékéwo lé ku o lé amékéwo Mawu ɖéna énya nyui Mawu ki ŋusé. ¹⁹ Wo ŋlɔ bé ma gblé nunya wo ki nunya macaka nunyala ki nugɔmé sésé. ²⁰ Gana amé nya nua lé? gana amé nua nua lé? gana améké héna nya le hihéamé? Mawu métrɔ nunya kéle hihéamé ŋkumé gblétɔ? ²¹ Kaka hihéamé ki anyasa mégbé Mawu éjɔji na Mawu bé yéaɖé amékéwo hɔsé lé Mawu nya gbɔgblɔ daʋa tɔɛ. ²² Yudatɔwo lé bia jési nukunu tɔɛ, grɛctɔ wo lé di nunya. ²³ Vɔa milé gblɔ Christo ké wo ca ékpé ɖaɖa ni Yudatɔwo kiki numanyala wo na Hélatɔwo. ²⁴ Ni amékéwo Mawu yɔ Yudatɔwo kiki Hélatɔwo mi gblɔ Christo sigbé ŋusé kiki Mawu ki nunya. ²⁵ Éyata Mawu ki nu manya énya nu cɔ wu amégbétɔ wo kiki gbɔjɔ gbɔjɔ é séŋu wu amégbétɔ. ²⁶ Dojési wo yɔyɔ fofo miadomé amé viɖé koé jé nunya lé ŋusé miadomé amé viɖé kpɔ ŋusé, amé viɖé koé kpɔ ŋusé lé jijimé. ²⁷ Vɔa la Mawu ca na énu manyala lé hihéamé acɔ doŋkpié anyasawo, Mawu ca na amé gblɔyé lé hihéamé acɔ ni amékéwo séŋu. ²⁸ Mawu ca na énuké nyi vi kpɔtɔɛ lé hihéamé égblɔ ca énukéwo bubu lé wo ŋu sigbé asihɔhɔ. ²⁹ Éwɔ ké bé améɖé mé gbɔ jra yi ɖokui lé yiki ŋkumé. ³⁰ Énukéta Mawu wɔ lw fifi la milé Christo Yésu mé ké trɔ zu anyasa co Mawu mia ki nyamé ko la, mia ki kɔkɔè nyényé mia ki hɔnamétɔ. ³¹ Sigbé alési wo ŋlɔ "améké lé jra na jra lé Aƒétɔ mé".