¹ Isɛn, ɛyɛ yé ɛjɛ olowo, sɔkùwu salao ɛyɛ gbo ndi yé ara nkowa nyi yɛ. ² Owoyɛ nko bajɛ wu nki wɔyɛ nyan ko koro nko jɛ nyan. ³ Kolu yɛ wu owoyɛ nko dada ɔ kidada ɔ nyan dée nyan. Ayan ka jɛ ara bɛɛni inan a yɔ n'kan ɛ. Ɛ ko dukiayɛ fu ɔjɔ ikanyi. ⁴ Owa sɛɛ ɛnɛ yé ayan sisɛɛ fu yɛ nyan. Kùsi owo isɛ ɛnɛn yé nyan sisɛ fu yɛ nyan, ni ɛkɛ san san fu nyan wu oko jii asisɛ fu yɛ nya fu yɛ nyan to léti oluwa éléwo ogu. ⁵ Ɛ ti gbé ilɛ yé sɛn ri wu ɛ yɛ ayan fu lé lɔwɔ aséjù . Ɛyɛ, wa nɛjɛ igbadɔn ɔjɔ kilé nyan. ⁶ Ɛ dajɔ wu ɛ paa, amaofi nyan. ⁷ Ɛ jɛ oli sùrù nyan ɔman yé minyan titi fu dé ɔjɔ yé oluwa n'ko kada waɛ. Ɛjɛ aroko yé a dé nkanyé nkanyé nkɔka loko ɛ. A diro dé wu suru ojo akunsɛn wu ikan i yé nkɔ rɔ ɛ. ⁸ Ɛ yɛ gbo, ɛjɛ olisuru. Ɔkan yɛ ko diro dara-dara, n'di ɔjɔ yé oluwa nko pada wa oti pɛki. ⁹ Ɛ mɛ solao ɛnɛ mi nyan léémiji. Ara yɛ ndi kɛ man gba idajɔ. Yɛni a dajɔ wa lanù ɔnan. ¹⁰ Ɛnɛn mi yan ɛ mu bɛni apɛrɛ iya wu suru wolinyan, ayan péé ékɔ oluwa. ¹¹ Awa a kan ɛnɛnyɛ nyan tɛsiwaju fu kɔ bɛni ibùku. Ɛgbɔ n'kan yé ayan fɔ lɛ pa nkan yé Jɔb fara da wu ɛ man i toyé oluwa sé bɛni ojuréré wu an nɔn. ¹² Pataki, ɛnɛn wa nyan. Ɛ gba wu ɔrun, wu ilɛ, wu ikan kan yé wa kakabɛ hééyɛ kojɛ néé, wu wowo yɛ kojɛ wowo ndi ni onikan ko ma subu labɛ idajɔ. ¹³ Bi ɛnɛn kan wa léémiji yɛni alaa nyɛwo kan kɔja? ko gbadura bi onikan wa n'nɔn ayɔ? ko kɔri iyin. ¹⁴ Ara onikan ɛn kɔ daa? Kopé agbalagba ijɔn ni anka gbadura fu ni anka wɔ ara fu léekɔ oluwa. ¹⁵ Agbara oligbagbɔ fu akɔɔn lara kilé ni wu oluwa a gbɛn ndé ni. Bi osɛ, ɔlɔhun n'ko dari ji. ¹⁶ Ɛ jɛwɔ ɛsɛyɛ yan fu ara yɛ yan. Ndi ara yɛ yan ko daa ndi yé adura atɛpa ofi asisɛ agbara. ¹⁷ Ɛnɛn yé ayan péni Eli ojɛ onian bi awa gbo ni. A gbadura fu kilé ni ojo ko ma rɔ wu ni ojo korɔ ilɛ fu ɔdɔn mɛta wu osu mɛfa. ¹⁸ Wu ogba dura sosɛn. Ojo kɔrɔ lɔrun wu ilɛ ko isiso. ¹⁹ Ɛnɛn mi yan bi onikan wa léémeji yɛ gbo kosi lɔna otitɔ ɛ onikan ɛnɛ mɔ ɛn kɔ faa wa lɔna. ²⁰ Ko ma ni, ɛnɛn-kɛnɛn yé faa ɛlɛsɛ yé ara lɔ ɛ; Ɔgba ɛmi ɛnɛn la ni wu oboo ayi méyé ɛlɛsɛ labo ni.