¹ Fun ɛya mejila ye iuka kiri, alafia. ² Ɛnyɛ onian mi, ngba ye ɛnyɛn ka ko si n'non idanwo orisirisi, ɛ kan gudugudu ɛ si ayɔ; ³ Ki ɛ si man ni idanwo igbagbɔ yɛ a sisɛ surù. ⁴ Aman ɛ jɛ ni sùru ko se isɛ asepe, ni ɛyɛ ko jɛ pipe wun ailabutu ni ko ma bɔ nkan nkan fu ɛninkɛnin. ⁵ Bi o bɔ ɔgbon fu ɛninkɛnin, ko beebi lɔwɔ ɔlɔhun, ɛnin ye a fi fu gudugudu onian lɔpɔlɔpɔ ye ka banɛwi ɛ an ka si fi fu u. ⁶ Aman kɛ beebi ni igbagbɔ, laise-iyemeji rara ntori ye a siye meji ri bɛni igbi omi okun, gbo a ti ɔwɔ atɛgun a bi niwaju bi sɛhin gbo a fo soke. ⁷ Ntori ɛnin bɛ ko ma see ni wu mkori nkankan gba lɔwɔ oluwa. ⁸ Onian oniyeji jɛ alaidwo l'ona ɛ gudugudu. ⁹ Aman, jɛ ni okunrin rɛ ye se oniya ko sogo nipo giga rɛ. ¹⁰ Wun olowo, ni ifarasulɛ rɛ, ntori bi sasaasa golé ni nko Lɔja lɔ. ¹¹ Ntori, órun la wun óru mimu o si gbin gôlé, sasaasa rɛ tɔrɔ silɛ(danu) ɛwa oju rɛ si parun bɛ gɛgɛ pɛlu ni ɔlɔrɔnk parun l'ɔnan rɛ. ¹² Ibukun ni fu ɔkunrin yɛ gbo ofi ɔkan idanwo ntori ngba ye ko yege ko gba ade iye, gbo oluwa ti se ileri fun ɛnin ye fɛɛ yom. ¹³ Ni ɛninkɛnin ye an danwo ko mase f'ɔni l'ati ɔwɔ ɔlɔhun wó. ntori a ka fi iséku dan ɔlɔhun wó. Ntori a ka fi iséku dan ɔlɔhun wó bɛni wu gbo ka iséku dan ɛninkɛnin wo. ¹⁴ Aman onikumiku ni an danwo ngba ye a ti ɔwɔ ifɛkifɛ ara rɛ faa lɔgbo a tanjɛ. ¹⁵ Njɛ ifɛkifɛ ngba ye nko dagba abi nko dagbotan nko bi iku. ¹⁶ Ɛ mase jɛ ka tan nyɛ jɛ ɛnyɛn onian mi olufɛ. ¹⁷ Gudugudu ɛhun rere owun gudugudu ɛbun pipè lati oke ni o ti wà, o si nsɔkalɛ lati ndi boba imonlɛ wà, ndi ɛniye ko le si iypada abi ɔjiji ayipada. ¹⁸ Nipa ifɛ ara rɛ, ni ofi afɔ otitɔ bi wa, ni ka jɛ bi akɔso ɛda rɛ yan. ¹⁹ Ɛnyɛ man ye ɛnyɛ onian mi olufɛ Aman jɛ ni onikunuku onian ni ko yara nki gbɔ ni ko rɛ lati fɔ ni ko rɛ lati binon. ²⁰ Ntori ibinon onian ka sisɛ ododo. ²¹ Ndi bɛ ɛfi gudugudu ɛri wu iséku aseaseju lelɛ l'apakan ni kɛ fi ɔkan tutu gba afɔ yɛ gbo a gbo o gba ɔkan yɛ la. ²² Aman, ɛ jɛ ase afɔ yɛ ni ka mase olugbɔ nikan ni kɛ ma tan ara yɛ jɛ. ²³ Ntori bi ɛninkan jɛ olugbɔ afɔ yɛ ni ko jɛ olusɛ wu jɔ okunrin ye o sakiyesi oju ara n'non digi. ²⁴ Ntori o sakiyesi ara rɛ o si ti ɛ lɔ lɛsɛkɛs o si gbagbé bi o ti ri. ²⁵ Aman ɛnin ye awo inon ofin pipé; ofin ominira ni gbo n'non ɛ in gbo ɔlugbɔ ye agbagbé, bikose oluse isɛ oluwa re nko jɛ alabukun n'non isɛ rɛ. ²⁶ Bi ɛninkɛnin a seré ni wu a sin ɔlɔhun ngbaye koko ignan rɛ lɔwɔ. Aman gbo otan ɔkan ara rɛ jɛ isin oluwarɛ asan ni. ²⁷ Isin miman wu ye ko nin irinrin niwaju ɔlɔhun wun baba ni ye, lati mà bojuto alaini bɔba ati opo yan n'non ipanju yan ati lati ara rɛman laini abawon nde l'aye.