¹ Ndi bɛ, ɛnɛnmi nya kiman, a pé yɛ fu oké. Ɛ kan Jesu kɔn ajisɛ, wu ɔgan arubɔyanti Jɛwo. ² Olotitɔ fu ɔlɔhun yé anya bɛni Moïsi yé jɛ olititɔ ilé ɔlɔhun. ³ N'diri a mù Jesu bɛni ɛnɛnye yɛ fu ogo lakupeé Moïsi ndi ké ɛnɛn yé man ilé ɔlɔhun yé nɛn iyi fu ile ɛ paapaa. ⁴ Ndi kée ilé kankan onikan ni oman aman ɛnɛn yé man nkan gudugudu, oluwani ɔlɔhun. ⁵ Nɔnan kan Moïsi jɛ olotitɔ ri bɛni ajisɛ ilé ɔlɔhun yan ojɛ olijɛri nkan yé nkɔwa. ⁶ Ama Kristi ni ɔman yé ayé ni ilé ɔlɔhun. awa anɛ iléɛ, bi awa nɛn idanɛnloju wu ayɔ iretiwa. ⁷ Ndi bɛ, bɛni ɛmi mima a fɔɔni. "oni bi ɛyɛ ɛ gbohun ɛ". ⁸ Ɛ mɛ sé ké dé ɔkan yɛ yan bɛni ngbaa kidé si ɔman israɛli n'nɔn ofuukutu. ⁹ Yé ɔ sɛlɛ ngbayé gbahigbo yan didé si mi wu ngbayé ayan sé ɔdɔn ogoje ri isɛ ya. ¹⁰ Mo binɔn fu iran yɛ. Mofɔ ayan ré lɔ wu ayan ko man ohun mi. ¹¹ Ma bura n'nɔn ibinɔmi ni ɛkɛ wɔ n'nɔn isimi mi". ¹² Ɛsɔ ara yɛ, ɛnɛmian, n'di ni onikan yɛ koma nɛn ɔkan ki lé (ayigbagbɔ) ɔkanyé ko yinpada ndi ɔlɔhun alayé. ¹³ Ama ɛ mu ara yɛ lara lé ngbakugba, oti pin bɛni a fɔni "oni" n'di onikan ko ma lée ɔkanɛ fu itan jɛ ɛsɛ. ¹⁴ Awa di ti Kristi, bi awa dio dara dara anɛ idanɛnloju n'nɔn fu dé iki tan. ¹⁵ Afɔ lɛpa ɛ: bi ɛgbɔ ɛ, ɛlé malé ɔkanyɛ n'nɔn a laku. ¹⁶ E si gbɔ ohun ɔlɔhun wu o dé sii ko se ngbayé Moïsi ko ɔman Israɛli tuu ilɛ Egypti? ¹⁷ Ési ɛbinɔn fu ɔdɔn ogoji? ¹⁸ Ési ayan bɔra fu ni ka wɔ lisimi, bikosé ɔman aliyibura yan? ¹⁹ A yi ni ayan ko tiko lisimi ndi yé ayigbagbɔ.