¹ miali Diedo den haa i nilanbuoli ke bi ye mi diema nni ki baa ya bigidi Isalele yaaba yaaba n ki den tieni kanana diema nni kuama toabu. ² O den li bua mi nifiima panma yaaba yaaba n daa ki den bani toabu yeni n bangi bu toabu. ³ Wan den haa yaaba mi diema nni den tie:Filisiti yaaba diemuudima yaaba, Kanana yaaba kuli, Sidoni yaaba leni Hefa yaaba yaaba nden ye Libani juana po, ki ci Baali-Helimoni juali ki yaa ca hali yaa dogu n yi Hamati buli(())oabu. ⁴ LI miali Diedo den bua ki taa laa ni buoli ki biigi Isalele yaaba ki bandi bi yaa baa tuo ki yaa hua wan den teni ke Musa teni bi yaajanba ya balimaama. ⁵ Li tie lani yaa po ke Isalele yaaba den kaa kanana yaaba siiga leni Heta yaaba, Amola yaaba, Filesa yaaba, Hefa yaaba leni Jebusa yaaba. ⁶ Bi den den taa i nilanbuoli yeni bi siaba ke bi tua bi puoba, ki puni ba bi yaa bi siaba ki go hoadi bani bi nilanba yeni buli. ⁷ Isalele yaaba den tieni yaala n ki mani Li Miali Diedo .Bi den hoadi i buli Baali leni A kela. ⁸ Li Miali Diedo pali den beni Isalele yaaba po. Ke o taaba ki teni Mesopotami diema bado Kusani-Liseyatayimi nuu nni. Bi den tie o bado yonbi hali bina nii. ⁹ Isalele yaaba den buudi ki mia Li Miali Diedo ke o puniba o faabikoa, Kaleba waalo Otinieli, Kenasa bi jua ke o faabiba. ¹⁰ Li Miali Diedo Fuoma den kua o nii nni ke o tua Isalele yaaba gobidi koa ki gedi bu toabu. Li Miali Diedo den teni ke o paadi o bado Kusani-Liseyatayimi. ¹¹ Mi yanduanma den tieni mi diema nni hali bina piina. Li yaa puoli Kenasa bi jua Otinieli den kpe. ¹² Isalele yaaba go den tieni yaala n ki mani Li Miali Diedo. O den taaba ki teni Moabi bado Egilona nuu nni ke o sedi bipo kelima bi den tiendi yaala n ki mani Li Miali Diedo. ¹³ Egiloni den taani Amoni yaaba leni Amaleki yaaba ke bi kuli gedi ki ban baa Isalele yaaba ki paadi ba. Bi den fie Jeliko Ikpakpaliti dogu. ¹⁴ Moabi bado Egilona den diedi Isalele yaaba hali piiga n bina nii ke bi tuuni bipo. ¹⁵ Isalele yaaba den buudi ki mia Li Miali Diedo ke o puni ba o faabikoa Benjamina buolu yua Gela bi jua Ehuti ke o faabi ba. O den tie naganu yo. Isalele yaaba den soani wani Ehudi wan ban pa Moabi bila bu paabu. ¹⁶ Ehudi den maa wani o ba o jugisiega ke ki pia (())oanalie ke ki foagimu pundi nukpandunli. O den yiega o ciaga nni, ki guani ga o jiencakpigili ki yie o tiadi ki maani kipo. ¹⁷ O den gedi ki ban puni Egilona bu paabu yeni. Egilona den gbengi hali boncianla. ¹⁸ Wani Ehudi n den teni bu paabu yeni wani leni yaaba n den tugi bu paabu ki cuani kuli den lebidi ki kuni. ¹⁹ Wan den ban pundi y buli n tie tana ki kuu leni Giliga dogu kani, o den lebidi ki guani o bado kani ki yedi o: O bado, n pia hasiili-maama ki ba yedi a. O bado den yedi o naacenba n (())a bi kuli den (())ani. ²⁰ O den kaa o diekuugili nni. Ehudi den nani ki yedi: Min pia ya maama ki ba yedi ha (())ani Li Miali diedo kani. O den fii ki sedi. ²¹ Ehudi den tandi o ganu ki noadi o jugisiega o jiecakpigili po ki muu o bado tugu nni. ²² Ki jugisiega kuli den kua ki taani leni li baali. Mi kpama den gua ki mundi ki jugisiega kelima Ehudi naa den gua ki dadi ki (())ani ga. ²³ Wan den (())ani o den luoni li diekuugili buli(())oana kuli leni min kpagibima. ki tagini ki ban (())aa. ²⁴ Wan den (())ani ki ban kuni, o bado naacenba den cu a ki diidi ki sua ke a buli(())oana kuli luo bi den tama ke o bado da ye ki (())amuaga. ²⁵ Bi den guudi keli waagi. Ban den ti sua ke waa luodi, bi den taa I kpagiluodi ki luodi ki sua ke bi canbaa bili ki kpe. ²⁶ Ban den se li kani ki jilini, Ehudi den sani ki pendi ya buli n tie tana ki gedio Seyili dogu. ²⁷ Wan den ban pundi li kani, o den piebi kakaci Efilayima juana nni ki taani Isalele yaaba. O den gaa bi liiga ke bi jiidi li juali. ²⁸ O den yedi ba: Hoadi mani nni, kelima Li Miali Diedo taa yi yibalinba Moabi yaaba ki teni yi nuu nni. Bi den hoadi o ki jia Moabi yaaba U kpenciamu Judana duonda kani kaa cedi ke ba niyendo duodi u kpenu. ²⁹ Laa daali bi den kpa Moabi yaaba ke bua ki pundi niba tudapiiga, bi kuli gbamandanba leni papaadanba. ba ni yendo naa den ciadi. ³⁰ Hali laa daali Isalele yaaba den paadi Moabi yaaba ki diediba. Lane mi yanduanma den tieni mi diema nni hali bina piini.