¹ Isalele yaaba kuli den taani ñoabu ki gedi ki taani Mitisipa dogu, Li Miali Diedo nintuali. Bi den ñani ikaani kuli, ki cilini jienu po, Dana dogu, ki yaa caahali niganu, Betiseba dogu, leni Galaadi, puoli po yaa diema. ² Bi yudanba leni Isalele buoli kuli niba den cua Li Miali Diedo nitaanli yeni. Bi den tie toatieba tudakobi naa (400 000) bi kuli taacenda. ³ Benjamina buolu yaaba den gbadi ke Isalele yaaba taani Mitisipa. Isalele yaaba den yedi: Waani ti mani mi kukpama yeni n tieni maama. ⁴ Lanwani Lefi buolu yua, ban den nkpa yua yaa pua yeni, den yedi: Mini leni n ponanbangu den pundi Benjamina ya Gibeya ki baa duani Li kani. ⁵ Gibeya yaaba den fii n po, ki cua ku ñiagu ki gaani ki cebini min ye yaa diegu nni. Bi den jagi ban kpa nni, ki ñii n ponanba hali ke o kpe. ⁶ Lanwani n den taa o ki jiajia bonjenajena ki soani ki soani Isalele buoli kuli po, kelima bi den soani tuongunda, cancagintuonli, Isalele nni. ⁷ To yi kuli yene, Isalele yaaba. Juogi mani ki baa jagali. ⁸ Bi niba kuli den taani ñoabu ki fii ki yedi: Ti siiga o ba kuli kan kuni o denpo, o gbandieli po bi o diegu po. ⁹ Diidi tin baa tieni Gibeya dogu yaala: Ti baa toa tiatia ki tuogi leni u butoabu. ¹⁰ Isalele yaaba buolu nni kuli, ti baa niba kobiga siiga niba kobiga, ni tudapiiga siiga (10 000) niba tudili. Laa niba n baa n baa binib po mijiema. Yeni, bi yaa guani ki baa suani Gibeya yaaba tuna, ki goa ban tieni tuona yaa cagindi Isalele nni yni Anpaani. ¹¹ yeni Isalele yaaba kuli den taani ki baa tuogi leni Gibeya dogu buto ¹² Isalele buoli yaaba den soani atonda Benjamina yaaba diedi nni kuli ki buali ba: ya kukpama n tie na mo bua ki yedi be? ¹³ Yin ñani Gibeya nibiadiba yaaba n soani laa tuonli yeni ki teni ti. Tin kpa ba ki ñani ti joagindi Isalele nni. Ama Benjamina buolu yaaba ki den bua ki cengi bi kpiiba Isalele yaaba. ¹⁴ Benjamina buolu yaaba den ñanñani bi dogi nni ki taani Gibeya ki ba tuogi leni Isalele yaaba butoabu.