¹ Isalele yaaba diema nni n ki den pia bado ya yogunu, Lefi buolu yua yendo den kaa Efilayima Juana kunu. O den taa Juda diema nni Betelema dogu nni, o pua ke o tua o ponanbangu. ² O pua yeni den koani leni o Calo ki wani ki gedi Betelema, O baa denpo, ki ban tieni lipo hmaali naa. ³ O Calo den fii ki hoadi o ke o baa n baagi o ki guani o. O den gedi leni o naacemo leni Hunbi lie. O pua yeni den kuani laa o, o den gaa o cangu leni li pamanli. ⁴ O cuadibaa yeni den kubi o o deni hali dana taa. Wani leni o naacemo kuli den di, ki ñu, ki dua lankani. ⁵ Li danali daali bi den gagidi ki fii. Lefi buolu yua yeni n den n bogini ke o baa kuni, o cuadibaa den yedi o: Han cedi ki siibi mo, Yin nan yuandi ki fii. ⁶ Lanwani bani bonba lie den Kali ki di ki go ñu. O pua baa den yedi Lefi buolu yeni : N miaha han cedi ki duani ki mangi apali. ⁷ Lefi buolu yua yeni den fii ke o baa kuni, ama o cuadibaa n den ñii maama yaa po o den tuo ki go duani ñayengu. ⁸ Li damuuli daali, o den yagidi ki fii ke o baa kuni . O cuadibaa den yedi o : Cedi ki baa han liani yaala mo. Yin guudi hali u yienu n soangi. Lane bi den taani ki deni. ⁹ Lefi buolu yua yeni n den fii ke wani leni o pua leni o naacemo baa kuni, o cuani baa den yedi o : Diidi, U yeni gbeni, li bua ki bi. N baa mia ha, han cendi ki duani ki mangi apali. Saala yin yagidi ki fii ki kuni. ¹⁰ Nani wani, Lefi buolu yua yeni ki den yie ke o kan duani likani. O den fii ki taa usanu, wani , opua Onaacemo leni Ihunliedi ke a yaaba paa bi po. Bi den cuoni ki ban nagini Jebusa dogu, lani n tie Jelusalema. ¹¹ Ban go den nagini Jebusa ki puigini U yienu den baa boncianla . Onaacemo den yedi o Canba : Tin jadi ki kua Jebusa yaaba dogu nni ki duani lankani. ¹² O Canba den goa ki yedi o: Ti kan kua nilanba dogu nni, Isalele yaaba n ki ye naani. Ti ba gedi hali Gibeya. ¹³ Tin moandi ki pundi Gibeya bi Lama ki duani laa danliedi siiga doyendu nni. ¹⁴ Lanwani bi den suagi ki cuoni uyienu den kua ba ke bi kuu Benjamina diema ya Gibeya. ¹⁵ Bi den tagini ki gedi lankani ki baa duani hali lan faa. Bi den gedi ki Kali ku jongu nni, ama o baa kuli ki den yini ba ban cua ki jiidi o deni. ¹⁶ Laa yenjuogu jakpela den ban soanisoani ikuani po ki goa ki kuni o denpo. O den tie Efilayima Juana nni yua, ama o den cua ki ti kaa Gibeya, Benjamina buolu yaaba dogu nni. ¹⁷ O den laa ocaano ke o kaa ku jongu nni. O den buali o: A ñani le, ki ca le? ¹⁸ O den goa ki yedi o: Ti nani Betelema Juda diema nni, ki ca hali Efilayima Juana kunu . N tie lanpo yua yo. N den gedi Juda yaa Betelema ki goa ki kuni n denpo . Ama o ba kuli yini nni min cua kli jiidi o deni. ¹⁹ Ki nan sua ti pia ti muadi ti Hunbi po. Ti go pia dupen leni duven mini leni n pua leni n naacemo po mo. Tii luo Li ba kuli. ²⁰ Lanwani o Jakpelo yeni den yedi: Biala biala. N baa ñani yaala n Miadi a kuli. A kani duani ku jongu nni. ²¹ O den kuani ba o deni, ki baa ti muadi ki tieni o hunbi. Bi Canba yeni den nigini bi taana, ki yuandi ki dini ki go ñuni ²² Ban den di ki mangidi bi pala yaa yogunu , u dugu nni nibiadiba, den cebini ki gaani ku diegu, ki pua bu buliñoabu. Bi den yedi o diedaano, o Jakpelo yeni: ñani han gaa oja yua ya cangu yeni tin taani leni o. ²³ O diedaano den ñani ki yedi ba: N kpiiba, n mia yi, Yin da tieni laa cagindi. Nani wan kua n deni yeni, yin Cedi ki da tieni laa cagindi bonla. ²⁴ Diidi mani n pia n bi salo yua daa bani jua, wani o caano pia ponanbangu. N baa ñani ba ki teni yi. Yin ñii ba ki tieni ba yin bua maama Ama yin tieni laa cagindi leni o naa ja. ²⁵ Bi jaba yeni ki den cengi o maama. Lanwani Lefi buolu yua yeni den ñani o po nanbangu ki teni ba. Bi den ñii o ki dua ki paagi leni o haliku ti haagu. Ayenda po yeni Bi den baa o. ²⁶ Lan ban ga faama, o pua yeni den gedi ki baa ki baa o Calo n den ye ya ja ya kani yeni diegu buliñoabu kani. O den buli lankani hali lan ban faa. ²⁷ Ku tihaagu o Calo den fii, ki luodi ku diegu buliñoabu ki ñani ke o baa suogi liiga leni o sancenli. O den sua ke o ponanbangu bili bu buliñoabu kani, o ñii maa Li buliñoakoalipo. ²⁸ O den yedi o: Fii tin gedi . Waa den guani Li ba. Lanwani ojoa yeni den taa o ki ñani o hunyendo po ki tagini ki ban kuni o denpo. ²⁹ Wan den ban pundi o deni, o den taa ki juga ki cuo ki jiajia o pua piiga n bonjena lie. O den taa abonjena yeni ki soani Isalele buoli kuli po. ³⁰ Yaaba n den laa laa bonla kuli den yedi: Hali Isalele yaaba n ñani Ejipiti ki ban pundi hali dinla, ti daa ba bi laa line, Li buolu daa tieni . Tin kpaagi Li po bonhanla, ki le ti yaba, ki baa tin jagi yaala.