¹ Laa yogunu bado ki den ye Isalele yaaba diema nni. Dana buolu yaaba den lingi ban baa Kali naani ki ya ye, kelima bi daa den baa den baa tin celi Isalele yaaba kuli siiga. ² Lanwani Dana buolu yaaba den gandi bi siiga jakoandimu. Bi den soani ba ban goandi mi diema ki diidi ma bonhanla. Bi den gedi ki ban pundi Efilayima Juana nni, hali Mika den. Bi den kua ki cani lankani, ki duani likani. ³ Ban den ye likani, bi den gbadi Ojawaalo yua tie Lefi buolu yua yeni nialu ki bandi U. Bi den gedi ki buali o: hme n cuani a ne? A tuuni be ne kanba? A pia be ne? ⁴ O den guani ki yedi ba: Mika n tieni n po line line. O pa nni ipanpaani ke n tie opo kopadiciamo. ⁵ Bi den yedi o : Mia ti po Li Miali Diedo ki buali o tin bandi ti sancenli ya baa ba mayuli bi Li ya kan ba. ⁶ Lanwani Okopadiciamo den goa ki yedi ba: Gedimani leni mi yanduama Li Miali Diedo cangi yi yi sancenli nni. ⁷ Bi jamuudiba yeni den pendi ki pundi Layisi dogu. Bi den laa likani yaaba n ye leni mi yanduama nani Sidoni yaaba yeni. Li baa kuli ki den yagini bi yama, baa den yagini bi ya mali ba kuli po. Mi diema nni ki den pia yua n dieba ki mabidi ba. Bi den foagidi leni Sidoni yaaba, baa den tuugi leni nitoaba mo. ⁸ Dana yaaba n den soani yaaba n yeni den goa ki cua Tisoleya leni Esitayoli, bi kpiiba kani ke bi buali ba ban cuani bi po ya laabaali. ⁹ Bi den goa ki yedi ba: cuamani ne tin gedi ki ban baa Layisi yaaba. ti ban laa mi diema ki sua ke mi hani hali boncianla. Da taa mani ki kan tieni liba. Jalige mani ki gedi ki ban paadi mi diema yeni. ¹⁰ Yi yaa ban pundi yi baa leni mi niba ke baa bangi Li bz kuli po. Mi diema yeni yaba, Li Miali Diedo mo Laama ki ye teni yi nuu nni . Laa pia yaala n ki ye minii nni, yaala n ye ki tinga nni kuli siiga. ¹¹ Dana buolu yaaba niba kobiluoba den fii ki ñani Tisoleya leni Esitayoli ki kubi toatiadi. ¹² Bi den gedi ki ban kpa bi toanagili Kilijali-Jealima dogu nni tualipo, Juda diema nni. Li tie Lani yaa po ke laa kaanu yi Makane-Dana hali dinla. ¹³ Bi den ñani lankani ki gedi Efilayima Juana nni, ki ban pundi hali Mika deni. ¹⁴ Bi jamuudiba yaaba n den ban goandi Layisi diema yeni den yedi bi lieba: Naani yi bani ke o bulo leni telafiminba leni nannankpiedikaali leni nannan duadikaali ye a diema ne siiga dieyenli nni? Yin jagi mani Yin baa tieni yaala. ¹⁵ Li yaa puoli bi jamuudiba yeni den ku a Mika diegu nni, Lefi buolu jawaalo yeni kani ki buali o o yaa pia laafia. ¹⁶ Dana buolu yaaba niba kobiluoba yeni den se bu buliñoabu kani ki kubi bi toatiadi. ¹⁷ Bi jamuudiba yaaba n den ban goandi mi diema yeni den kua deni nni ki taali nannankpiedikaali yeni, obulo, telafiminba leni li nannan duadikaali yeni. Okopadiciamo yeni den se bu buliñoabu kani, wani leni biniba kobiluobidiba yaaba n kubi ti jatiadi yeni. ¹⁸ Wani Okopadiciamo yeni n den laa ke bi kua Mika dieli nni ki taa Li nannanli kpedikaaba, Obulo telafiminba leni li nannan duadikaali yeni, o den buali ba: yi tiendi be nne? ¹⁹ Bi den goa ki yedi o: cua a ñoabu, han da liegi Li baa kuli. Hoandi ti ki tua ti tundika leni ti kopadiciamo niyendo yaa diegu yaaba bebe yaa po bi Isalele buolu siiga bomunu kuli yaaba yaa po? ²⁰ Okopadiciamo yeni pali den mangi. O den taa Obulo , telafiminba leni li nannan kpedikaaba yeni ki hoadi biniba yeni. ²¹ Bi den goa ki taa usanu. Bi den kuani abila, ti yandi leni atuga liiga. ²² Bi den foagidi leni Mika diegu ke Mika kuantalieba den yini bi yaba ki taani ki hoadi Dana buolu y. ²³ Bi den tiani ki yini Dana buolu yaaba ke bi gbegi ki bua Mika: Be n pia ha? Ya nitaanli n tiena pundi be? ²⁴ O den goa ki yedi: Yi taa min den teni n yuli po ya tieni, ki go taa n kopadiciamo ki ban ca. Li ba kuli ki go sieni nni. Yi nan baa ga lede ki go buali nni yaala n pia nni. ²⁵ Dana buolu yaaba den yedi o : Tin da go gbadi añuabu nni. Lani ya ka ti siiga bi tianba pala ya fii bi baa goa ki baa yi. yeni mo a baa cuani fini leni a diegu bolinma. ²⁶ Li yaa puoli bi den tagini ki ban ca. Mika den sua ke bi pa ki cie o ke o lebidi ki kuni. ²⁷ Dana buolu yaaba den fie Mika n den tieni ya tiadi , ki go taa Okopadiciamo yua n den tuuni opo mo. Bi den gedi ki baa Layisi ki bolini o niba yaaba n den ye lienni leni nni yanduanma kaa bangi li ba kuli po yeni: Bi den juu U dogu. ²⁸ Nilo ba kuli ki den faabi U kelima u den foagi leni Sidoni , U niba mo ki den ki den tuugi leni nitoaba. U den ye yaa joaloangu n tandi ki ca Beti- Lehobi dogu po. Dana buolu yaaba den goa ki pas U dogu ki Kali lankani. ²⁹ Bi den yini u Dana,bi yaaja Dana, Jakobo bijua, n den yi maama ama u den kpa yi Layisi yo. ³⁰ Dana buolu yaaba den sieni bi po li nannan kpiedikaali wani. Musa yaabili Jonatan, yua mo n den tie Gelisoma bijua n den tua Dana buolu yaaba po kopadiciamo. O bila leni o yaabila den kubi laa tuonli hali ban ban cuo ki gedini Isalele yaaba tiyonbidi. ³¹ Bi den sieni bi po Mika n den tieni ya nannanli yeni ke bi kubi Li Miali Diedo diegu n den Silo yaa yogunu kuli.