¹ Isalele yaaba nitaanli kuli den fii Elima ki pundi sinayi fanpienma, ya min ye Elima leni Sinayi ya siiga. Li den tie ban den ñani Ejipiti diema nni ŋmaalo leni piiga n dana muu. ² Isalele niba kuli den yenbidi mi fanpienma nni Musa leni Alono po. ³ Isalele yaaba den yedi ba: "Li Miali Diedo yaa den cedi ke ti kpe Ejipiti diema nni tin den kaa ki kuu leni a nanboba ya yogunu ki go ŋmani dupen ki guodi laa den tu? Kelima yi cuani ti mi naa fanpienma nni ki bua ki teni ku naa niligu kuli n kpe mi koma." ⁴ Li Miali Diedo den yedi Musa: "Diidi n baa teni mi jiema n ñaa tanpoli ki mii yipo. Bi niba baa ña ki daali kuli ki ya wodi yaala n dagidi ke n baa biigi ba yeni ki le bi yaa baa cuoni nani nani n bali maama n tie ⁵ maama, bi bi yaa kan yaa cuoni yene.li danluobili bi ya hanbi ban den wodi yaala, bi baa sua ke li cie ban den wodi yaala daali kuli po taalima lie." ⁶ Musa leni Alono den yedi Isalele: "Dinla ku yenjuagu yi baa bandi ke Li Miali Diedo n tie yua ñani n Ejipiti diema nni. ⁷ Ku tasongu yi baa lee Li Miadi Diedo ya piagidi kelima o gbadi yi yenbidi, yin yenbidi opo maama. Timo tie ŋmenba ke yi baa yenbidi ti po." ⁸ Musa den yedi: " Li Miali baa pa yi ti nandi yin ŋmani, ku yenjuogu ki go pa yi dupen yin ŋmani ku tasongu ki guo kelima Li Miali Diedo gbadi yin den yenbidi opo ya yenbidi kelima tin mo tie ŋmenba? Laa tie tinba yaa po ka ke yi yenbidi, li tie Li Miali Diedo yaapo yo. ⁹ Musa den yedi Alono: "Yedi Isalele nitaana kuli : Yin nagani mani Li Miali Diedo nintuali, kelima o gbadi yi yenbidi." ¹⁰ Alono n da den maadi ya yogunu leni Isalele yaaba nitaana kuli, bi den gbegi ki diidi mi fanpienma nni ki laa ke Li Miali Diedo kpiagidi doagidi ku tawaligu nni. ¹¹ Li Miali Diedo den maadi leni Musa ki yedi o: ¹² "N gbadi Isalele yaaba yenbidi: Han yedi ba: dinla ya yenjuagu yi ba ŋmani ti nandi ku tasoangu yi ba dupen ki guo, yeni yi ba bandi ke n tie Li Miali Diedo yi Tienu." ¹³ Ku yenjuagu a ñinkpakpala den cua ki pini li nagali, ku tasongu mo ku mangu den loni ki lindi li nagali kuli. ¹⁴ Laa mangu den yoagi ya yogunu bonla den bili mi fanpienma nni ki naani leni a tatana. ¹⁵ Isalele yaaba den diidi ki yedi bi yaba: "Line tie be?" Kelima baa den bandi lan tie yaala. Musa den yedi ba: Li tie Li Miali Diedo n puni yi ya dupen ke wan tua yi jiema. ¹⁶ Diidi Li Miali Diedo n bili ya ñobonli. 'Yua kuli n wodi yaala n baa dagidi o jiema banlu ki biigi ya bonbiigikaala yi omela, nilo kuli n biigi ki dagani o niba n da maama. yua kuli ba wodi yaaba n ye o gbandieli nni yaapo.'' ¹⁷ 'yaaba den tieni yeni ki wodi, bi tianba den wodi ke li yaba, bine mo den wodi waamu. ¹⁸ Bi ya wodi be yyen biigi leni omela. Yua den wodi ke li yaba naa yen sua Yua den wodi waamu moko naa yen sua ke li poadi o. Yua kuli den wodi yaala n dagadi o jiema banlu. ¹⁹ Musa den yedi ba : "Oba n da cedi lan sieni hali ku tasoangu." ²⁰ Baa den cengi Musa n den yedi. Bi nitianba den cedi ke li sieni hali ku tasoangu, ama be den sua ke li gbie leni asidibila ki biidi cain. Musa pali den biidi leni ba. ²¹ Tasoangu yua kuli yen gedi ki wodi yaala n ba dagidi o jiema po, ama ki yenga ya sedi mi yen mandi. ²² Li danluobili bi den wodi mi jiema taalima lie, omela bonbilie nilo kuli po. Li nitaanli den cua ki waani la Musa. ²³ Musa den yedi ba: "Li Miali Diedo bili laa ñoabonle: saala tie mi fuodima daali, yaa fodima daali n gagidi ki hani Li Miali Diedo po: Yin puli yin bua ki puli yaala, ki haani yin bua ki haani yaala. yaala n sieni kuli yin bili hali ku tasoangu." ²⁴ Bi den sieni la hali ku tasoangu nani Musa n bili li ñoabonli maama, ke li naa den biidi ki naa den pia asidibila mo. ²⁵ Musa den yedi: "Yin je lani kelima li tie U Tienu fuodima daali. Dinla yi kan le mi jiema i kuani nni. Danaluoba yin ya wodi ma, ama li danleleeli, yaali n tie U Tienu fodima daali woni li ba kuli kan ya ye. ²⁶ Dana luoba yin ya wodi ma ama li danleleeli daali, yaali n tie U Tienu fuodima daali li baa kan ya ye. ²⁷ Li danleleeli bi nitianba den ñani ki ba wodi mi jiema, ama baa den la liba kuli. ²⁸ Lan yaa po Li Miali Diedo den yedi Musa "Yi ba ya yiedi n ñoabonli leni n bali maama hali u laa yogune? ²⁹ Tiadi mani ke Li Miadi Diedo puni o fuodima daali, li tie lan yaapo yo ke o puni dana lie ya jiema li danluobidi daali yua kuli n ya ka o kaanu, obaa n da fii wan ye yaa kaanu li danleleeli daali." ³⁰ Lanwoni bi niba den fuo li danleleeli . ³¹ Isalele yaaba den cili laa jiema mama. Li den tie ya bonbibu n pieni ki naani leni ya lalaagu n pua leni ti siadi. ³² Musa den yedi diidi Li Miali Diedo n den bili yaa ñoabonli. Taa mani omela ki gbieni o leni mana ki kubi o yi yaabila po ke ban le min den teni ke yi di ya jiema mi fanpienma nni min den ñani Ejipiti diema nni ya yogunu" ³³ Musa den Alono: "taa ki tadiga ki gbieni ga mana lan pundi omela ya banlu, ki bili ga Li Miali Diedo nintuali ki ya kubi ga yi yaabila po." ³⁴ Alono den bili ga siedi kpaku nintuali ke lan yaa ye ki da biidi nani Li Miali Diedo n den bili li ñoabonli Musa po maama yeni. ³⁵ Isalele yaaba den di mana hali bina piinaa banlu hali yaa yogunu ke bi den kua bi niba n ye ya diema nni. Be den dii mana hali ki ban pundi Kanana diema banlu. ³⁶ omela bonla piiga n tie ya bonbiigikaala n yi efa yendo