¹ Moyiisi ń den tieni li gbandieli ki gbeni ya daali, o den wuli mi gagdiŋanma kpama, ki gagdi ki ŋanbi lani yeni li tuonsɔntiadi kuli O Diedo po. O go den tieni yeni i, ki gagdi ki ŋanbi li padbinbindli yeni limo ya tuonsɔntiadi kuli. O den gagdi ki ŋanbi lankuli O Diedo po. ² Li daali, Israyeli buoli yudanba, bi cancannikpelba den puni u paabu salga po. Lanya niba n den sedi bi buoli yeni bi cuga yaaba po. Bani n den todi ke bi tieni i buoli kuli niba cɔli. ³ Bi den cua yeni bi paabu O Diedo nintuali. Bi den cua yeni turdi bontiluoba, ke ti pia a bonlibda yeni piiga n nee lie. yudanba lie den cua yeni turlibdigu, ke yudaano kuli pia naatonli. Bi den cua yeni lankuli, ki waani li gbandieli kani. ⁴ O Diedo den maadi yeni Moyiisi, ki yedi, ⁵ "Tuo ki ga bi paabu, ki taa li paabu, ki sɔni u kadkaanu gbandieli nni tuona. Taa li paabu, ki teni Lefi yaaba, yuakuli ń ga o tuonli ń buali maama. ⁶ Moyiisi den taa ti turdi yeni i nee, ki teni Lefi yaaba. ⁷ O den teni Gericɔni cugli nni yaaba turdi lie yeni naatona na, nani bi tuona ń buali maama. ⁸ O den teni Merari puliŋuani turdi na yeni naatona niin, ki cedi ke salga yidkaciamo, Haarɔn bijua, Itamari n ŋmagdi ba bi tuona nni. O den tieni yeni, kelima bi tuona ń den buali maama i. ⁹ Ama, o den ki teni Kohati puolŋuani libakuli, kelima bi ya tuona den tie ke ban ya tugi, ki bugi ya bona n gagdi ki ŋani O Diedo po i. ¹⁰ Moyiisi ń den sɔgi li padbinbindli mi kpagagdiŋanma ya daali, bi yudanba den cua yeni bi paabu, ki bua pandi li padbinbindli. Bi yuadanba den teni bi paabu, ke bi padi li padbinbindli kani. ¹¹ O Diedo den yedi Moyiisi, " Daali kuli, Yudanyendo ba cua ki padi, ki pandi li padbinbindli." ¹² Li daacincinli daali, Juda buolu yua, Amina dabi bijua Naconi n den cua ki padi o padli. ¹³ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadkubuoga, ban baa tiendi mi sɔma naani, ki miini, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ¹⁴ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ¹⁵ O go de teni naatonga, patonli yeni ya patonga n pia binyenli, li padjuukaali po. ¹⁶ O den teni ŋuabuali, ti tuonbiadi sugli miabu po. ¹⁷ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Aminadabi bijua, Naconi ya paabu. ¹⁸ Li daalieli daali, Suwari bijua, Nataneli, Isakari buolu yudaano den cua yeni omo ya paabu. ¹⁹ O paabu den tie, ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ²⁰ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ²¹ O go de teni naatonga, patonli yeni ya patonga n pia binyenli, li padjuukaali po. ²² O den teni ŋuabuali, ti tuonbiadi sugli miabu po. ²³ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Suwari bijua, Nataneli ya paabu. ²⁴ Li daataali daali, Heloni bijua, Eliyabi, Sebuloni buolu yaaba yudaano den cua yeni o paabu. ²⁵ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadkubuoga, ban baa tiendi mi sɔma naani, ki miini, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ²⁶ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ²⁷ O go de teni naatonga, patonli yeni ya patonga n pia binyenli, li padjuukaali po. ²⁸ O den teni ŋuabuali, ti tuonbiadi sugli miabu po. ²⁹ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Heloni bijua Eliyabi ya paabu. ³⁰ Li daanaali daali, Cedewuuri bijua, Elisuri, Rubeni buolu yaaba yudaano n den cua yeni o paabu ³¹ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadkubuoga, ban baa tiendi mi sɔma naani, ki miini, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ³² O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ³³ O go de teni naatonga, patonli yeni ya patonga n pia binyenli, li padjuukaali po. ³⁴ O den teni ŋuabuali, ti tuonbiadi sugli miabu po. ³⁵ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Cedewuuri bijua Elisuri ya paabu. ³⁶ Li daamuuli daali, Suricadayi bijua, Celumiyeli, Simeyɔn buolu yaaba yudaano n den cua yeni omo ya paabu. ³⁷ O paabu den tie ŋanjilfa tadga, ke ki kpiagu tie kilo yenli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ³⁸ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ³⁹ O go de teni naatonga, patonli yeni ya patonga n pia binyenli, li padjuukaali po. ⁴⁰ O den teni ŋuabuali, ti tuonbiadi sugli miabu po. ⁴¹ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu padli po. Lani n den tie Suricadayibijua, Celumiyeli ya paabu. ⁴² Li daaluobli daali, Dewuyeli bijua, Eliyasafi, Gaadi buolu yudaano den cua yeni o paabu. ⁴³ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁴⁴ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁴⁵ O go de teni naatonga, patonli yeni ya patonga n pia binyenli, li padjuukaali po. ⁴⁶ O den teni ŋuabuali, ti tuonbiadi sugli miabu po. ⁴⁷ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Dewuyeli bijua, Eliyasafi ya paabu. ⁴⁸ Li daaleleli daali, Amihudi bijua, Elicama, Efrayima buolu yudaano n den cua yeni o paabu. ⁴⁹ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁵⁰ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁵¹ O go de teni naatonga, patonli yeni ya patonga n pia binyenli, li padjuukaali po. ⁵² O den teni ŋuabuali, ti tuonbiadi sugli miabu po. ⁵³ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Amihudi bijua, Elicama ya paabu. ⁵⁴ Li daaniinli daali, Pedasuri bijua Gamaliyeli n den cua yeni o buolu yaaba paabu. ⁵⁵ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁵⁶ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁵⁷ O go den teni naatonga, patonli yeni ya patonga n pia binyenli, li padjuukaali po. ⁵⁸ O den teni ŋuabuali, ti tuonbiadi sugli miabu po. ⁵⁹ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Pedasuri bijua Gamaliyeli ya paabu. ⁶⁰ Li daayiali daali, Jedeyɔn bijua, Abidani, Benjamina buolu yudaano den cua yeni o buolu yaaba paabu. ⁶¹ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁶² O go de teni wula kɔpi, ke li kpiagu tie grami kobga ( g 100), ki gbie yeni ya tulaale n pia u nuulmanu. ⁶³ O go de teni naatonga, patonli yeni ya patonga n pia binyenli, li padjuukaali po. ⁶⁴ O den teni ŋuabuali, ti tuonbiadi sugli miabu po. ⁶⁵ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Jedeyɔn bijua, Abidani ya paabu n yeni. ⁶⁶ Li daapiigli daali, Amicadayi bijua, Ahiyeseri, Daani buolu yaaba yudaano den cua yeni o paabu. ⁶⁷ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁶⁸ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁶⁹ O go de teni naatonga, patonli yeni ya patonga n pia binyenli, li padjuukaali po. ⁷⁰ O den teni ŋuabuali, ti tuonbiadi sugli miabu po. ⁷¹ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Amicadayi bijua Ahiyeseri ya paabu. ⁷² Li piiga n daayenli daali, Okrani bijua Pagiyeli, Asiheri buolu yaaba yudaano den cua yeni o buolu yaaba paabu. ⁷³ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁷⁴ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁷⁵ O go de teni naatonga, patonli yeni ya patonga n pia binyenli, li padjuukaali po. ⁷⁶ O den teni ŋuabuali, ti tuonbiadi sugli miabu po. ⁷⁷ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Okrani bijua Pagiyeli ya paabu. ⁷⁸ Li piiga n daalieli daali, Enani bijua Ahira, Nafitali buolu yaaba yudaano den cua yeni o buolu yaaba paabu. ⁷⁹ O paabu den tie ŋanjilfa tadga, ke ki kpiagu tie kilo yeli yeni grami kobitaa (g 1300), ŋanjilfa tadbuoga, ke ki kpiagu tie grami kobilele (g 700), nani u kaangagdiŋamu nni ya bonbiginkaali ń wangi maama. Lani tiadi lie kuli den gbie yeni ya yoma ke bi ŋmadi mi kpama, ki nugi, mi jiema salga po. ⁸⁰ O go de teni wula kɔpi, ke li kpiagu tie grami kobga( g 100), ki gbie yeni ya tulaale n pia u nuulmanu. ⁸¹ O go de teni naatonga, patonli yeni ya patonga n pia binyenli, li padjuukaali po. ⁸² O den teni ŋuabuali, ti tuonbiadi sugli miabu po. ⁸³ O den teni naatona lie, patona mu, ŋuabuana lie, yeni patonpana mu yaa n pia binyenli, mi taanyenma paabu po. Lani n den tie Enani bijua Ahira ya paabu. ⁸⁴ Israyeli buoli yudanba den gagdi li paabu kuli li padbinbindli pandima po, ya daali ke Moyiisi den sɔgi li padbinbindli mi kpagagdiŋanma, ki gagdi ki ŋanbi li yeni. Bi den gagdi ŋanjilfa tadtialmu piiga alie (12), ŋanjilfa tadbuomu piiga alie (12), yeni wula kɔpinba piiga alie (12). ⁸⁵ ŋanjilfa tadtialiga kuli ya kpiagu den tie grami tudli n kobitaa (g 1300), ke ŋanjilfa tadbuoga kuli kpiagu tie grami kobilele (g 700). Lanwani ii, ŋanjilfa tiadi kuli kpiagu den tie kilogrami piilie n bona na (Kg 24) nani u kaangagdiŋamu bonbiginkaali ń buali maama. ⁸⁶ Wula kɔpinba mo ya kpiagu den tie grami kobga (g 100),lani kɔpinba piiga alie kpiagu den taani tudli n grami kibilie (g 1200), ki cɔlni li gbandieli nni bonbiginkaali ń buali maama. ⁸⁷ Bi de gagdi ya yandi n dagdi a padjuukaana po, naatona piiga alie, patona piiga alie, yeni binyenli pabimu piiga alie. Bi go den teni bi jiema salga ya paabu. Bi den teni ŋuabuana piiga alie, ti tuonbiadi sugli miabu po. ⁸⁸ Bi ya taani ti yandi kuli, bi den teni naatona piilie ana (24), patona piiluoba (60), ŋuabuana piiluoba (60) yeni binyenli pabimu piiluoba (60) mi taanyenma paabu padli po. Lankuli den tie li padbinbindli pandima po, ban den sɔgi li mi kpagagdiŋanma, ya daali, ki gagdi ki ŋanbi li yeni i. ⁸⁹ Moyiisi ń den kua u kadkaanu gbandieli nni, ki bua maadi yeni O Diedo, o den gbadi ke O Diedo nialu maadi yen o. O Diedo den maadi yeni o a ñɔmaatana kpagu bonbiili po i, Cerubenba siiga nni i, ke o den maadi yeni o.