¹ Guna mo, zaro go kaa, A ga dungu danga feema cine, zaro din kan go kaa g'i ton; ya no kundey koyo ci, a si kaaji wala kambe kulu cindi i se. ² Amma aran kan ga humburu ay maa se, adilitarey wayna ga bangey, baani ga bara a fatey cire mo; aran ga farta ka saar ka jippo danga kali ra handayze cine. ³ Aran ga boro laaley tamu-tamu, zama i ga ciya danga boosu aran ce tamey cire, zaro kan ay go ga soola din ra, ya no kundey koyo ci. ⁴ Aran ma fongu ay tamo Musa assariyey ga kan ay hantum Horeb Israyla kulu se, danga Lordey da hini saney noya. ⁵ Guna ay go ga annabi Iliya donton, hala Rabbi zaro ga kaa, zari beero din kan ga humburandi. ⁶ A ga baabey biney barey ka ye izey ga, i ma izey biney mo ye baabey ga zama ay ma si kaa ga laabo kar da laliyan.