¹ Malakaka anʋntaja asn agʋyʋ ʋ ma, na nŋə gɩŋɔrpi gɩ ɖən gɩ ɖoo n'alaŋ afəɖa atən ma. Na ba shee nɩ gʋkulu gʋbʋmbɔnɔ kagʋlcaŋkɔ kasaaƒi. ² Na atine gʋkulu gʋbʋmbɔnɔ gʋɖe. N'ɩyɔ ɩbʋmbɔnɔ ɩɖoo gʋkulu gʋde nɩ ɖaa nɖəma kiyɔ ma, n'ɩyɔ ɖe isiu ʋshile na gaɖu gaŋunii, ga ta shee ŋkomo ³ .Natərma ɩɖən ɩta ɖoo ɩyɔ ɖə nɩ asiu gatəna gaŋunii laŋ, na ba shee atərima ɖe gʋsheme ɖaa ɩlama bawəɖa gatəna laŋ ma. ⁴ Na ba lə atərma ɖe waa: bapaa tɩ lee mbɔnɔ aŋɔɩ ɩda atən ma na, ɩpaa lee mbɔnɔ, ayo na yɔkɔ mbɔnɔ na, ama, bɛrɛ banɖən koŋ mbɔnɔ, mbaɖee kʋbashɛmɛ pɩ Gaja kʋshɛmʋ na ma. ⁵ Kəba shee pɩ ganɔ bakə bɛrɛ ba cii na, ama, ba naashɛɛ hala ɩŋɔrɔ ɩnʋn; ʋnaashɛɛ nɖee ba naashɛɛ ma na gəŋ waa ɖaa alama a na təʋ arɛ naa ɩyor ni ma. ⁶ Kasaa ɖe bɛrɛ batɩ ba yɛɛ bʋce, ama kə baŋə bʋ na; batɩ ba sɔlɔ waa: bacii, ama, bʋce bʋtɩ bʋ cuu a lɩŋ na pɩ gaɖʋ. ⁷ Atərma ɖe batɩ baɖa ɖaa ɩsuko ɩ bana kpeɖe pɩ ba cə gʋtara ma baɖi laŋ wura kayarɩƒu ɩɖa ka, babʋyɛ bʋta ɖa ɖaa bɛrɛ babyɛ ma. ⁸ Atərma ɖe kaŋʋrʋ ɩtaɖa ɖaa basɩmprə baŋʋrʋ ma, banyiwə ɩtaɖa ɖaa guuni anyi wə ma. ⁹ Baɖe ba wəɖa gʋtara kanrʋkɔ ɩ ba na kəl nrɛŋɛ ma, barɛŋɛ laŋ, bápəra ɩɖe tɩ yu ɖaa gʋtana kalɔrɛ nɖee ɩsuko tuutuuma ba na bɔ ma. ¹⁰ Bíshelu ɩɖe ɖa ɖaa ɩlama kɩshelu ma, bɩsheluɖe nɩ na gʋsheme gʋɖa ba lee na bɛrɛ mbɔnɔ hali ɩŋɔnɔ ɩnʋn. ¹¹ Bagʋpayari guɖe gʋlee gʋkulu gʋbumbɔnɔ ka malaɩka, gʋkulu gʋɖe kʋ ba na yɩda na hebrəka gɩ ja waa: abaɖɔŋ, na grɛki kagɩja waa: apolɔɔnɩ. ¹² Nawɩya asəbaka aƒəl: kaŋkəm acəŋə, nawəya banyɩʋ baƒɔlɩ batʋ acəŋə. ¹³ Malaɩka akdoŋtaja, asin agʋyʋlʋ ma, na nrəŋə ʋwələ ɖən ʋɖoo na kantomo wura kaŋja nɖee nɖa Gaja kaŋyɩ ma, ¹⁴ Na lə Malaɩka akdoŋtaja gʋyʋlʋ ma, waa: kʋɖa ɩmalaɩka banan mbadee bakur pɩ Eƒrataa kaato laŋ ma. ¹⁵ N'ɩmalaɩka ɩ ba toŋo gakɔnɔŋɔ, n'ʋshi le, n'aŋɔnɔ, na gajikalka ma, kʋɖa pɩ alam, naa ba kə bɛrɛ ɩ baɖa gatəna laŋ ma kaasapɩ. ¹⁶ ɩsɔja kagʋriya ɩ ba sə ɩsuko laŋ ma, baɖoo bɛrɛ umilinyɔɔ awanyɩʋ. ¹⁷ Na nŋə ɩsuka tuutuuma, mbaɖee basə ɩsuko ɖe laŋ ma, baɖe ba kara atar yɔkɔ ɩɖe kim pii d'ʋtonu ma,ada ɖaa buruu ma, ada gʋsʋra da keleŋ caŋa ma,ɩsuko ɖe baɖi ɩɖe ɖa ɖaa ɩguuri baɖi ma; batʋnɔ nɩ ʋtonu na minɛmpəna ɩnaɖoo. ¹⁸ Na bɛrɛ gʋyaɩ ba ɖa gatəna laŋ ma, kaasapɩ, ba ci na ʋtonu na mmpəna ndee ɩna ɖoo ɩsuko babʋno nɩ ma. ¹⁹ Aɖʋwaa: ɩsuko baɖe bikashi ɩda babʋnɔ nɩ na bɩshelu nɩ na; bɩshelu ɩɖe ɖa ɖaa ʋbu ma, awəɖa nɖi, ɩni nɩ ana lee na bɛrɛ mbɔnɔ. ²⁰ Bɛrɛ basaa kə ba cii na ma, ba bəla kə ba ƒʋba nɖa wa nabalesʋra na, kə ba pala aŋŋuro ɩbɔnɔ n'akʋna na wura, n'ɩtanɩ, n'arukɔ, n'atala, n'ayo kʋpɛŋʋ na, ayɔkɔ ɖe kɩ na ŋə na, kɩ na sara na. ²¹ kə ba pala gɩso kantəma na mbɔlɔ, na gɩsəna kalesʋra ba na lee ma, n'ʋpətəra na.