¹ Kaŋkǝm na nrǝŋǝ samaa abʋmbɔnɔ ɖǝn ʋwǝǝ ʋɖoo n'alaŋ ma, na lǝ waa: Aleluya atɩɩkoyar Gaja, aje nɖinsono, n'ɩʋkʋmʋ, n'ɩkashɩ, ² Aɖʋwaa: Ɩkǝma ɩlee ɩja nɩ, atǝŋǝ: Acǝm na ayeeyeeka abʋmbɔnɔ ɩkǝma atɔɔ agɩsǝna kalesʋra awa gatǝma gaŋunii, ɩkoyar sǝla abatǝŋlee jabakɔnɔ ɩ ba cʋr ma kuɖa. ³ Nabakɔɔ a lǝ acǝŋǝ waa; Aleluya. ayeeyeekaɖe antombʋna kɩ yɔ, ɩtu naa boɖo alaŋ bʋjabʋja ⁴ Na baŋono baŋono n'aŋŋuro baja banan balrgǝ bayarɩ boi laŋ akúratǝn alee Gajabɔɔta alǝ waa: Ami, Aleluya ⁵ N'ʋwǝlǝ ɖǝn ʋɖoo na yarɩboi laŋ alǝ waa: Anyɩnɩ ɩlee' abatǝŋleeja ma, kʋma ma, at'ɩkoyar bapilaŋ baŋono laŋ ⁶ Na nrǝŋǝ ʋwǝlǝ ʋbʋmbɔnɔ ɖǝn, ɖaa gatubʋmbɔnɔ ganatogo ma, na lee ɖaa ara ana kuro ma, ʋɖe tɩ lǝ waa: Aleluuya, Atɩnɖɩyar Gaja kashɩ iyunii yarcacam gɩyarɩ ɖɩŋunii. ⁷ Baaŋa ata ʋciŋkǝnka n'ʋjaŋ nɩ, na kʋma nɩ, aɖʋwaa akpeɖe ttiye ashee Gaja kaararŋkori, na aŋgo akpeɖe agʋlɔ, ⁸ Na ba kana nɩ, ɩtoko baŋǝrǝ bapiɖe piɖe ka gɩshe bɔ, ʋtoko bapiɖe piɖe ka ɖe nɩ gǝŋ alesʋra soŋno ɩ ɖe Cɩrɩ Cɩrɩ ma. ⁹ Na Malcɩka alǝ amʋ waa: Nɔn, nɖiɩsono ashee mba ɖee ba yɩɖo pɩ Gaja kaaraŋkari kajɩŋgaarɩ ma, Na alǝ amʋ waa: Bʋlei mbʋɖe bʋlee Gaja yayar abʋlei bʋ. ¹⁰ Na ŋkur atǝn nayo malee nɩ bɔɔta ma, na alǝ amʋ waa: paa lee gǝŋ na, Amʋworʋ n'akɩ gɩna lee ntǝma n'akǝbawor basaaka Yeesu asǝriyabaja. Lee Gaja bɔɔta. Aɖʋwaa Yeesu asǝriya alee annabi mana baŋŋuro nji. ¹¹ Na nŋǝ nɖǝlantine, n'asukofɔnɔ aɖoo. Nɖee aboɖo alaŋ ma, baɖe batɩ yɩɖa nɩ waa: Ɖeiɖei n'ja yar, aɖetɩ Cǝm ɩkǝma na ɖeiɖei. ¹² Ɩnɩyine ɩɖetɩpiɖe piɖe ɖaa ʋtonu ma; Anɖi laŋ ayarɩfu asʋra asʋra ɩɖe tǝr, nabaŋɔn ŋ yɩɖanɖǝn alaŋ ʋɖn kaasǝra ayɔ atʋr ŋyɩɖanɖe na, ma kɩlee agɩlopi na, ¹³ Aɖe kara tokoɖǝn akɔnɔ ɖe wa nɩ. Baɖe batɩ yɩɖa nɩ waa: Gaja kaalei. ¹⁴ ɩsɔja ɩ baɖa alaŋ ma, bari gboo baboɖo ɩsukobafɔnɔlaŋ akara ayɔkɔ ɩfɔnɔ Cɩrɩ Cɩrɩ kɩja atǝr aŋkǝm. ¹⁵ Aganɔ nɩ gapɔɔ galamaka bʋyɛ bʋnyɩʋ kaaja gaɖe gatɩ ɖoo ncǝnɩ samaa gʋtara, Aɖetɩ paŋ ɩsama n'ʋyarɩ rukutǝmǝ naa naa nyɩ na Gaja ɩkashɩyar ʋnyana. ¹⁶ Baɖe ba ŋɔn atoko n'agʋsɔ laŋ waa: Bayarɩ baya na nɖiyar banɖiyar. ¹⁷ Na nŋǝ Malaɩka ɖǝn aɖǝ yeɖe ʋshile laŋ. N'akuro n'ʋwalǝ ʋbʋmbɔnɔ, waa: Pʋsapubʋnata na gaja ma, bʋŋunii wala ma apɩ atɩ jɩ agaja kajɩŋgaarɩ, ¹⁸ Naa ɩjɔ bayarɩ bantaŋkɔ, ɩjɩ ɩ sɔjakaɖibaja bantaŋkɔ, ɩjɩ ɩkashɩbaja bantaŋkɔ, ɩjɩ isuko na mbaɖee bana boɖo pɩ ma bantaŋkɔ, mbaɖee baɖa ashee balɔ ma, bapi na kǝba ŋno. ¹⁹ Ŋkəŋ na abɔrɩ na gatəna laŋ kəbayarɩ, na bɩsɔja bawala na yɛɛ ba cə gʊtana na nɖee asə asuko laŋ aɖe na ɩsɔja ma. ²⁰ Nabari abɔrɩ na annabi ɩsəɩyar, nɖee alee maamaaci kalesʊra abʊrɩ aŋyɩɩ ma, apaapaa ka mbaɖee ba cam abarɩ naa lee bɔɔta ncitomo ma. Na baa kəʊ banyɩʊ baɖe ʊtonu na mmɛmpəna nɩ. ²¹ Na ba kə basaaka na gapɔɔɩ ganaɖoo na nɖee asuko laŋ ma aganɔ nɩ; Bʊsapi bʊɖw bʊtiji bantaŋ kɔ.