¹ Nanrəŋə ʋwələ ʋbʋmbɔnɔ ɖən ʋɖoo na ʋnyiŋu kaafala alaŋ kaaja nɩ, ʋɖe tɩ lə unalaɩka kulumi kʋlama, ace atɩ fʋr Gaja kʋnyana kɩkɔɔpʋ kulumi gatəna laŋ. ² Na Malaaɩka asəbaka ace atɩ fʋ akɔɔpʋ gatəna laŋ. Na nnyʋŋkɔ mbʋmbɔnɔ nɖən nrɩ bɛrɛɩ ba wəɖa abɔrɩ alamba nalee nɩ bɔɔla nacitamɔ ma. ³ Na malaɩka anyɩʋlaja ace atɩ fʋn aja kɔɔpʋ teŋku nɩ. Na təŋku abʋto bʋpra akɔnɔ ɖaa ʋkuro akɔnɔ mɔ, nayɔkɔɩ ɩɖa təŋku nɩ ma, nayɔkɔɩ ɩɖa təŋku nɩ ma, ɩnyunii ci. ⁴ Nariutaja aƒʋr aja kɔɔpɔɔ atoɩ ɩɖagatəna laŋ ma, atubɔlɔ ɩŋunii ɩpra akɔnɔ. ⁵ Na nrɛŋə bʋlo ka malaɩka ana lə waa: ʋtəŋə, akɩe ʋɖa nacee aɖa ma; ʋlee cɩrɩ cɩrɩ yar, aɖʋwaa: Ʋcim ɩkəma ɖe. ⁶ Aɖʋwaa: Ba pala akəbatəŋleeja cɩnɩ cɩrɩ kəbaja na annabi mana bakɔnɔ ɩfʋr atən, galaŋ na ʋshee pɩ akɔɔnɔ waa banyein: Basəmba nyem. ⁷ Na nrəŋə saraa kantomo nlə waa: lɩŋ nɖiyar Gaja ɩkashɩ ɩŋunii yar, akɩkəma ɩlee ya atəŋə. ⁸ Na Malaɩka anan taja afʋr aja kɔɔpʋ ʋshilèlaŋ n-ʋshilè ʋpra ɖaa ʋtonu ma, nashɩ bɛrɛ; ⁹ N'ʋshilè kanjisʋɖa nshɩ bɛrɛ nasəŋa səŋa pɩ, ŋkəŋ na basəba na kiɖe laŋ ma, na babla kəba fʋba nɖawa akʋma Gajana. ¹⁰ Malaɩka anʋtaja ace atɩ aja kɔɔpʋ abɔrɩ ɖe aŋyarɩbɔi laŋ. N'bɔrɩ ɖe agayanɩtəna gashee ŋkɔmo kpataa bɛrɛ baɖɛ batɩ fəɖə fəɖə banʋkɔkɔ na bɩɖanʋ ɩɖetɩyor pɩ. ¹¹ Ŋkəŋ na bɛrɛ na lim Gaja gaɖa alaŋ laŋ ma, aɖʋ waa: Anyʋkɔ na kaayorɔ ɩ ɩnacaarɛɛpɩ malaŋ ama, babla kə bafʋba balesʋra ɩbɔnɔ na. ¹² Akoloŋtaja ace atɩfʋr akɔɔpʋ efrataa kaato bʋmbɔnɔ nɩ, nakabʋto bʋ mər, naa bapɛmpɛŋɛ ʋnyɩŋca ashee bayarɩɩ badoo nagakalaŋ apɩma. ¹³ Na nŋə ɖragɔɔ n'abɔrɩ, ncsəi kannabi babʋnɔ nɩ aŋŋuno ɩbɔnɔ riu ɩɖe ɖa ɖaa aromo ma. ¹⁴ Ɩɖe lee aŋŋuno ɩbɔnɔ ɩ ɩnalee maamaaci kalesʋra ma, aŋŋuro ɩbɔnɔ ɖe ɩɖetɩ ce gatəna laŋ kabayanɩ sul, na wala pɩ na saa na Gaja ɩkashɩyar ʋshilé bacə nanɩ gʋtara. ¹⁵ kiɖe ma atiya, ntʋ na pɩ ɖaa apɩtɩrɩ ana pɩma nɖi nsono ashee nɖee ana tʋŋa agʋlɔ, ka pa la ɩtaka bakpa ajɩwa na ma, naa apatɩ sara ŋkɔlɩ ba ŋə aŋkɔlɩ gɩcifala gɩkpa nɩ na. ¹⁶ Na bawala pɩ ace na gaɖuu bana yɩɖa Hebnə kagɩkrə waa: armageɖɔɔ ma. ¹⁷ Malaɩko kulumi kaja afʋr aja kɔɔpʋ alaŋ alaŋ gʋsərə nɩ, n'ʋwələ ɖən ʋɖoo ʋnyiŋu kaafala nɩ nalə waa: ɩlee hoŋo! ¹⁸ Gaɖu gaɖe gatɩ mɩlɛmɩlɛ, ara asʋra asʋra ɩɖe tɩkuro, gatəna gaɖe galɩtar, ʋtar ɖe ɖaa ga na tar ma, ɖoo ɖaa arɛ aɖa gatəna laŋ ma, kaatar gəŋ ayɔ na. ¹⁹ Na mpabʋmbɔnɔ nyʋga yʋga akpala ɩriu, n'ɩsa maa basaaka bapa ɩfəɖa, na Gaja galige babilɔɔnɩ laŋ, asəla nɩ ʋnyana ʋbʋnbɔnɔ kabʋka na. ²⁰ Nabʋtənaɩ bʋto bʋsər bʋkaɩ mabʋliŋe kəbʋlkɔɔ$$$ aɖa na, abʋnʋ gboo kɩkɔɔ aɖa na. ²¹ Na gɩcitalʋ gɩʋmbɔnɔɩ gɩdʋr ka gɩɖoo n'alaŋ nɖəla nɩ afəɖa bɛrɛ laŋ; Na bɛrɛ basəba na kide Gaja fɔɩ nalim Gaja, adʋ gɩcilalʋ gɩɖe kanyʋkɔɩ gɩ na ma ma laŋ Aɖʋwaa ɩ lee nnyʋŋkɔ mbʋmbɔnɔ njɩ.