¹ Akɩ ampɩ, wʋɖa ʋcine ashee Yeesu Kristo. ² Ʋ rəŋə ɩsəriya tuutuuma amalaŋ, lə ashee bɛrɛ ɩja baja mbaɖee ba naa asəra afaŋa baɖən gboo ma. ³ Ɖaa Yeesu Kristo asɔja asoŋsono ma. Jɩ n'amʋ wahala abʋmbɔnɔ nɖe. ⁴ Sɔja ɖən k'a kɔɔ na lee akoɖən na tɔɔ ɖulunya nɖe kayɔkɔ wàà, kpatakɩɩ na ɩ ta jɩ wàà a tɩ yɛɛ a na ɖa ʋga ʋcine nɩ na. ⁵ Acəŋə garɛ kacuja ɖən k'a na jɩ na nɩɩ jɩ wàà kapɔ na gɩmʋ ⁶ Aƒʋmɩ nɖee a na lee ntǝma paa ma, a sǝm a lee arɛ asǝbaka a na laa awaryɔkɔ ma. ⁷ Faŋa faŋa gɩshɛbʋ ŋgaɖee n na ɩǝ akɩ waa aɖʋwaa ɩkoya a taa pala akɩ a tɩ kaashɩ. ⁸ Lige lige Yeesu Kristo nɖee a lee Daʋɖa abʋŋʋma nɩ ɖaa laabaarʋ a ɩǝ ma. ⁹ Nɖee laŋ n na lee wahala halɩ ba tɩ ɖʋ amʋ ɩwɔrɔ ɖaa abɔnja ma. Ama kǝ ba ɖʋ Gaja kaalei ɩwɔrɔ n,a. ¹⁰ N na lee nɖe k'ɩshɛɩ nɩ ashee mbaɖee ba laa ma na, naa baɖe gboo ba sǝra aŋǝ alǝbarka nɖee a ɖaYeesu Kristo laŋ naa k'a wʋɖo gayala na ma. ¹¹ Ŋǝ ma galei gaɖǝn:"Gɩ ta cɩɩ na nɩ, gɩ man a ɖa na nɩ. Gɩ tǝ yiɖe ɖeiɖei, gɩ tǝ gɩ man aɖa nɩ. ¹² Gɩ ta bǝla nɩ, aɖee gboo a taa bǝla atʋ. ¹³ Na k'a gɩ wʋɖa ija, aɖe a taa yiɖe n'ija aɖʋwaa abǝɖa agʋlɔ na." ¹⁴ Na lige pɩ ayɔkɔ ɖeɩŋunii. Lǝ pɩ Gaja kaŋyɩɩ waa ba paa bor bʋlipi laŋ na aɖʋwaa kǝ ba yɔ akoɖǝn na kaa ba tǝ ba lee mbaɖee ba na ɖʋ gʋtɔ ma mbɔnɔ. ¹⁵ Lee koŋkaarɛ ayiɖe na Gaja n'ja ɖaa apaaleeja k'a lee a wʋɖa ɩcifala na ama naa apɩ na laabaarʋ n'ɩja. ¹⁶ Pala bʋlei mbʋɖee bʋ na lǝn n'arɛ Gaja paa saa apaŋa ma. ¹⁷ Babʋlei bʋ na ce ce wewere ɖaa mbʋɖabʋɖa ma. Imenee naa filɛt ba ɖa bɛrɛ baɖe nɩ. ¹⁸ Baɖoo ɩjo kaŋkǝm, na lǝ waa: ʋŋǝnu ʋlee aboŋo naa naa cǝpra mbaɖee bashee ija ma, kǝbaɖǝn ¹⁹ Baa na kama, Gaja kʋyɩu ʋkaŋkra ʋsǝbaka ʋyiɖelaŋ, agalei jɩ ashɛmɛ na ma: Nɖiyar ayɔ mbaɖee ba lee abaja ma; Nɖee ana yɩɖa nɖiyar aŋyiɖa ma, atɩ lɩŋ na agʋlɔ mbɔnɔ. ²⁰ Gafala gabʋmbɔnɔ nɩ kɩlee wura nitanɩ kanɖǝnɖǝn kanyanʋ ɩɖa ka na, ama, gʋyo na mbuce gboo ɩɖa, ɩɖǝn ɩɖa ashee aŋfaani kǝ ba na loɩ fɔɩfɔɩ na, ɩɖǝn ba na loɩ baa saa apaŋa na. ²¹ Ʋɖǝn atatoŋo agʋlɔ aɖa cɩrɩ cɩrɩ a taa lee ɖaa aƒaanɩ kabʋkɔ ma, aɖa cɩrɩ cɩrɩ aŋfaanɩ ashee anɖiyar alesʋra ɩsoŋsono nɩ. ²² Pala gɩyɩfala kalesʋra na yɛɛ ʋcine aɖa ɖeiɖei, n'ʋsɔlʋ na ²³ bɛrɛɩ ba na yɩɖa nɖiya n'agɩfolu gɩsoŋsono ma Bǝla nyashɛshɛ na fɔɩ kalesʋra, ɩna pɩ na bʋboro. ²⁴ Aɖʋwaa: kɩ sǝm Gaja katǝŋleeja awǝɖa bʋ boro na; ɩsǝm waa: Awǝda ayɛɛnɛ na basaaka, anaa cere bɛrɛ na suuru; ²⁵ ɩsǝm atǝŋǝ tǝŋǝ ɩbɛrɛ mana n'ʋrɩsana na saa Gaja gashee pɩ nɖawa nƒʋbaka naa ba yɔ ɩja, ²⁶ naa bakɔɔ apɩ nɖawa nsoŋsono nɩ, naba laa bagʋlɔ sheetaanɩ ɩkpaca nɖee ari pɩ ma nɩ apɩ na pɩ ʋciŋsɔlɔka nɩ.