¹ Pivepita ivo kwenze madyelelano wa Ayuda; nakuti Yeso eciya ku Yelusalemu. ² Lomba mu Yelusalemu pafupi na Mulwango, wa mbelele, pa litenga yamene yiitwa mu cihaburayo kuti Betisada, nakuti ili na mipatat isano. ³ Liumba wa wenze olwala monga mphofu, opunduka mendo, na opundu elala pala. ⁴ Pansitya iyake Malaika wa Asukulu esika mutenga novundula manzi, aliwonse alawamo mu manzi wovundulika epozyewa ku ulwele uliwonse angawe nawo. ⁵ Penze munthu muyake enze olwala vyaka makhumi watatu visanu na vitatu. ⁶ Pamene Yeso pemuwona ula pala penze lele, ekumbukila kuti wankhala nsita itali,ekamba naye ufuna kupozyewa? ^{7 8} Mulwele eyasuka," Yeso, niliye oniviika newo, mutanda ponse ponse manzi niwovundulika. Koma, nikuza, newo; muyake wosika newo nikaliye kufika." Yespo ekamba naye," Nyamuka nyamula volalapo vako, nakuya." ⁹ Nakuti pamene apo munthu ula epozyewa, nonyamula volalapo nakuya. Koma nsita ila yenze ya Sabata. ¹⁰ Ncifukwa chake Ayuda ekamba na opozyewa, ula," yenze nsita ya sabata nakuti nichosaloleka kuti unyamule mpatsa." ¹¹ Koma yeve eyankha kuti," wanipozya waniwuzya kuti ,' tola mphasa yako wakuya."' ¹² Wemukonsha," Niwani ula munthu enzekamba nawewo,' nyaumlakuti wakuya'?" ¹³ Koma ula epozyewa aliye kuziwa kuti niwani; pakuti Yeso eciya mwakacetecete; pakuti mwenze liumba inyinji ya wanthu m'malo mula. ¹⁴ Pivepita vyala, Yeso emusanga mung'anda yomvwilamo malizu, nakuti eciti kuli eve," lolesha, wankhala opozyewa! usakaluvye soti, nakuti matenda opula pala akakupitilile." ¹⁵ Mulumbwana efuma nokamba na Ayuda kuti ni Yeso enipozya. ¹⁶ Pacikomo ca ici, Ayuda enkhala omukonkhakonkha Yeso, cifukwa ecita vila vinthu pa siku ya sabata. ¹⁷ Yeso ewayasuka eciti," cikanga Wata akaliwosewenza nalomba nipo nanewo nikali nisewenza." ¹⁸ Cikomo ca ici Ayuda efuna kumupaya cikomo aliye pasule tyala Sabata, koma soti eyita zina ya Leza wata wake, kupangwa kulingana na Leza. ¹⁹ Yeso eyasuka," Leze, leze, mwana sangacite vilivyonse payeka, kanthu payeve yeka, koma poona vamene wata wacita, camene conse wata cakuti, mwana naye acite. ²⁰ Pakuti wata akonda mwana nomuwonesha vilivyonse vakui yeve nomuwonesha zinchito zopula izi zakuti mwewo mukadabwe nazo. ²¹ Pakuti wata wowukisha wakufwa nowapasa moyo, pamo na mwana wopasa moyo ku aliwonse wakufuna. ²² Pakuti wata opingula lini munthu aliwonse, koma epasa cipingulo cake conse muli mwana wake. ²³ Nakuti wonse wakolemekezya wata. Uyo asalemekezya mwana olemekezya lini wata emutuma yeve. ²⁴ Nicendi, nicendi, uyo okumvwa lizu yangu nonicetekela yeve enituma ali nawo moyo wosasila nakuti sakapinguliwa, koma wafuma kuimfwa kuya ku moyo. ²⁵ Nicendi, nicendi, nekuujani nsita yikuza, ndiye ino, nakuti wakufwa akuyo kumvwa lizu ya mwana wa Leza, ndipo awo akamvwe wakawe na moyo ²⁶ Pakuti monga wata alinawo moyo mwaweve weka, emupa mwana kunkhal;a na moyo payeve yeka, ²⁷ pakuti wata emupasa vizo mwana voweluzila milandu cikomo cakuti nimwana wa munthu. ²⁸ Musankhale odabwa naizi, nsita ikuza yakuti aliwonse wali mumanda akuyo kumvwa malizu wake nakuti nokuzo fuma, ²⁹ nasoti akafume kunja, ecita viweme azaukishiwe nakuti aza awe nawo moyo, koma wala wocita viipa azaukishiwe kuti azapinguliwe. ³⁰ Ningacite lini ciliconse panewo neka. Munamvwela, nolipingula, pakuti cipingulo changu cikuyo nkhala colungama cikomo nikupangwa lini kwangu koma kupangwa kwake mwine enituma. ³¹ Ngati nilicitila neka umboni, umboni wangu ungankhale lini wacendi. ³² Kuli muyake angacitile umboni, wanewo nakuti umboni wati ukacitiwe wanewo, ukawe wacendi. ³³ Mwetuma kwa Yohane, nipo enenela vyacendi. ³⁵ Koma umboni wanelandila uliye kuchokele ku munthu. Nukamba ivi vinthu kuti mwewo mukapuzumuke. ³⁴ Yohane enze musaniko enze kupwa na mtuwa, nakuti mwefuna kunkhala motuwa nipo mwefuna kulitwala kuwa na nchinthemwa munyali yake mwaka nsita. ³⁶ Koma newo umboni wunili nawo niwopiula wa Yohane, pakuti nchito yenipasa wata niisilizye, zinchito zamene zinucita, zucitira umboni wanewo kuti wala enituma. ³⁷ Wata wenituma woctitira umboni zya newo. Mwemvwapo lizu yawo, kano mawonekelo mwewonapo pa nsita iliyonse. ³⁸ Nakuti muliye malizu osalila mwana, cikomo cakuti mucetekela lini muliwula emutuma ³⁹ Mwewo musaka malizu mulandu wakuti mulingalila kuti muli weve muli moyo wosasila, ⁴⁰ na malizu wamo nawamo ocitira umboni zya newo, nipo simupangwa kuza kulinewo kuti muwe na moyo. ⁴¹ Nupookelela lini ciyamiko kufumilaku wanthu, ⁴² pakuti nuziwa kuti muli weve muliye cinthemwa ca Leza. ⁴³ Neciza kupyolela muzina ya wata, koma muliye nipokelele. Ngati muyake akawele muzina yake, mukamupokelele. ⁴⁴ Mungacetekele shani, mwewo muvomela mucinzi kwa munthu muyanu, ko mucinzi wofuma kwa Leza yeka muupangwa lini? ^{45 46 47} Musayezye kuti newo ningakuneneleni kwa wata. Wamene angakuneneleni kwa wata ni Mose, ula umweyikamo cicetekelo. Pakuti mwecetekela Mose, mukacetekele newo, cikomo cakuti yeve elemba zyanewo. Ngati muliye cetekele malemba wake mungacetekel shani malizu wangu?